伴侶一而再再而三欠債，你接受到嗎？一位人妻近日在網上討論區發文，分享結婚一年的老公經營生意不善，一直以來都是零收入，家庭所有支出都是由她負擔。早前竟發現老公欠債十萬，應對方要求掏出積蓄代為還債。可惜好景不常，近兩星期再度發現老公欠債九萬，人妻向其表示不想再幫忙還債，對方即發難，令人妻失望透頂，憤而回娘家暫住。對此，老公不聞不問再度令人妻心碎，更有離婚念頭，但同時發現自己懷孕兩個月，不知如何是好。
一位人妻在網上討論區親子王國以「結婚一年 先生一而再差人錢 想離婚」為題發文，分享與老公拍拖一年後結婚，已婚一年，並指自己一直都不想要小朋友，「因為覺得養育小朋友好大責任，尤其喺香港。」人妻再分享老公因為老公經營生意不善，一直以來都是零收入，家庭所有支出都是由她負擔，為此曾跟老公溝通「佢唔想放棄創業，只係依家未有成績。」，人妻指就此事二人吵架無數次，「佢覺得我做老婆既，唔支持佢不特止，仲潑佢冷水。」
早前竟發現老公欠債十萬，自己心軟應對方要求，拿了積蓄代為還債。雖然人妻對老公有情有義，惟對方事事斤斤計較，早前人妻的弟弟來了他們家暫住，支出都是由她付，引來老公不滿，「佢岩岩出社會工作，錢唔多，我地無收佢錢。但先生非常不滿，不滿細佬白食白住。」
可惜好景不常，近兩星期再度發現老公欠債九萬，但對方不肯坦白說出原因，「問過佢N次點解差銀行錢，佢唔答。佢話總知唔係賭唔係嫖唔係毒。」當人妻向其表示不想再幫忙還債，對方即發難，令人妻失望透頂，憤而回娘家暫住。對此，老公竟不聞不問再度令人妻心碎，更有離婚念頭，但同時發現自己懷孕兩個月，不知如何是好。
帖文引起熱議，很多網民好奇事事主老公欠債的原因，「問點解欠債，唔肯講，又想人幫佢還 」、「欠錢原因？借錢結婚擺酒禮金？ 買嘢玩？ 無收入但仍要比家用6299？爛賭？」、「點解會差人錢嘅？」。
另外大部分網民勸人妻離開老公，「止蝕即時提出離婚，無底深潭你點填？小朋友可以靠自己養大，出世紙果欄唔好寫父親姓名，免除後患」、「無錢還學人借錢，唔掂呀呢個人，唔洗諗喇」、「走！快啲走！重可以重新嚟過的！」、「唔理距咩原因差人錢，本身距誠信都好有問題。做人都唔腳踏實地，都係早走早著。」
亦有不少網民指欠債是惡習，認為很難痛改前非，「欠債只有一次同無限次」、「唔好心軟，依D人只會得寸進尺！」、「入不敷出係慣性，睇嚟都好難改，如果你接受到呢個人不斷重滔覆轍，先能夠一齊落去」。
