香港不少商場都設有育嬰室，供爸媽替孩子餵奶或換片之用，但近年屢傳育嬰室遭公眾濫用的情況出現。日前有一位港媽在網上發文抱怨，分享自己攜女兒外出急需要餵奶時，卻無法使用商場的育嬰室，全因遇到一位缺德的男人霸用，房內更傳出播放影片的聲音，事主見狀唯有到服務台投訴。帖文一出即引起一眾家長共鳴，怒斥有很多育嬰室濫用的事例，影響真正有需要使用的人。
一位港媽在網上Facebook育兒群組發帖，分享日前自己攜女兒外出時急需要餵奶，便打算使用商場的育嬰室，但在門口守候多時都未有空位便覺得不對勁，房間內更傳出播放影片的聲音，「入面既人係到睇戲咁，勁大聲。我就望下對門下面果個位，可以望到入面地下......我望到地下有個好污糟既書包！」，由於事主見勢色不對，又著急想替餓壞的女兒餵奶，便拍門問：「係咪餵緊奶？」，豈料回應的是一位男人。
該港媽直覺認為育嬰室內的男人並非正確地使用場所，因此先後向保安及商場職員投訴。事主更形容當時男人是單獨走出育嬰室，明顯沒有合理的原因使用到該設施，另外更指該男人外表極不整潔，認為職員有需要消毒育嬰室。
帖文一出引來網民熱議，一眾港媽紛紛留言表示有共鳴，分享自己亦曾遇到育嬰室遭濫用的經歷，「真係好多人當育嬰室係休息室架。我曾經就撞過一家大細幾個人係入面開餐。連𡃁仔成7、8歲，仲差電打埋機，離晒譜！拍門先肯開門，仲要覺得阻住佢地」、「試過有人坐喺度播劇食飯，話搵唔度地方」、「有次個女開咗大，我企喺個育嬰室等咗半個鐘，個女唔舒服已經扭緊。打去搵人嚟開門，拍極門唔應，一爆門走2個1x歲男出嚟，喺入面煲劇食薯片。其中1個男出嚟經過我身邊仲要粗口閙我2母女」、「我都試過喺餵奶房有兩個𡃁妹食煙，我一路餵奶就聞住佢既煙味」
有網民認為商場有責任管理育嬰室的使用，建議應加強規管，並只供有需要人士使用，「平時要鎖，call人開門」、「又係商埸不管，要政府立法，各公衆使用育嬰室應向客服中心取鎖匙+按金+交清潔費及使用時限，保使用者安全安心，才是真的服務業。」
