逝去了的感情值得挽回嗎？一位人妻近日在網上討論區發文，分享自己一年前發現老公出軌，戀上大陸的小三，而對方都親口承認了，更表示決定為了小三放棄家庭。但在這一年期間，事主老公經常都會與小三吵架，而每時吵架都會找回人妻哭訴，更指想返回自己身邊，但每次最終只會回到小三身邊。縱然這樣，人妻依舊放不下老公，想挽回這段婚姻，「我真係唔想離婚，點樣挽回老公？」。
一位人妻近日在網上親子王國討論區以「C6出軌...點解？」為題發文，分享自己一年前發現老公出軌，戀上大陸的小三，在人妻逼問之下對方都親口承認，更表示決定為了小三放棄家庭，「佢話唔係我唔好，但決定和她一齊.....」即使家人來調解，每次老公都不作聲，後來更搬去老爺奶奶的家，要跟自己分居，種種事情令人妻十分心痛，「為個小三唔要咁美滿嘅家！」
但在一年之間，人妻的老公經常會因為跟小三吵架而找她哭訴，表示想跟人妻復合，「依家小三成日同佢鬧交，鬧完交佢call我，喊得咁傷心，話想返來。」，但每次事主老公在人妻身邊沒多久後，最終只會回到小三身邊，令人妻心如刀割。
面對以上種種打擊，人妻都仍然很愛她出軌的老公，更表示想挽回這段婚姻，「我真係唔想離婚，點樣挽回老公？」。
帖文引起討論，大部分網民留言勸人妻放棄挽回老公，「佢有乜嘢值得你留戀？佢好似當你係阿媽（鬧完交回娘家）你仲要次次都收留佢！！！你好似自己攞嚟痛 ！！！」、「當初因為小三而放棄你，依加小三氹返佢佢一樣返番過去，佢個心已經喺人哋嗰邊基本上佢當咗你呢邊係避風塘，樓主放手啦，咁樣只會不斷對自己造成傷害」、、「你放過你自己，尼個人已經唔係人（有火）唔好再比佢埋你身，又得佢死去邊都好啦 ！」、「愛乜鬼，一腳伸開佢啦」。
亦有網民指事主老公十分自私，沒有替人妻設想，「你都為佢喊得好hurt，佢有冇諗過你？動左情深愛嗰個人先會咁樣…佢要離開小三都有啲難，我都明白愛一個人冇咁容易放得低，但係真心嗰句，如果佢真係愛你嘅話唔會走咗去，同埋而家同個小三有問題唔會返嚟搵你，佢咁樣係對你造成二次傷害…佢完全只係諗自己」、「佢為咗第二個女人喺你面前喊到好hurt，你都仲可以忍到佢你真係好大愛！」。
另外有網民關心人妻的情緒健康，建議她找專業人士協助，「明白你好辛苦， 試試揾揾社工/婚姻輔導員， 唔係叫你哋去， 係你自己去， 你需要專業人士去支援你， 幫助你整理情緒， 等自己平靜心情， 再慢慢決定」。
