雖然現代社會主張男女平等，但不少家庭仍然有重男輕女的觀念，女兒們即使比兒子們孝順，仍然得不到父母的讚賞。有港婦在網上發文，指媽媽一向偏心哥哥，即使她經常給錢和陪伴媽媽，並在媽媽有需要時及時出現，但稍有做得不好時就會被媽媽責備，令她感到心灰意冷。
該名港媽在親子王國討論區以「我受夠啦，好辛苦」為題發文，分享指她有一個哥哥和一個姐姐，而媽媽一向偏心哥哥，她起初選擇做自己，每個月給媽媽家用，亦會陪她外出吃飯，間中亦會為媽媽添置衣物和買手機。
當媽媽有任何需要，例如家中冷氣機滴水、電視或網絡用不到時，她和老公亦會盡快為媽媽處理，「唔係即日幫佢整，都第二日上屋企整」。
然而，如果她和姐姐稍有不足，就會被媽媽指責為「衰女」、「無用」，而哥哥只要間中出現一次，媽媽就會很開心，卻視她的付出為理所當然，令她感到心灰意冷，「咁算點，我屈左好耐，我唔再做孝順女，唔再做好人，有咩事找仔啦」。
帖文引起討論，不少人表示有同感,「我阿媽都係咁，好嘢俾晒個仔先，要搵人做嘢就揾個女」、「我亞媽拜神都係求神保佑d仔，好心淡」、「早排因為咁同亞媽嘈咗一鑊，佢仲不停講個仔點好，我話而家成日返屋企睇你嗰個係我呀，你有乜需要都係我幫你，你個仔一個月都係嚟一兩次，仲要返嚟5分鐘就走。佢仲死撐話個仔點點點好。」
亦有人認為只要盡了孝心，問心無愧就可以，「不求回報，但求無愧於心。
孝順係美德，但唔好委曲求存，愛人也要先愛自己呀！」
