不少港人都有聘請家傭來幫忙分擔家頭細務，藝人孫慧雪也不例外。可是，她日前罕有地在網上大呻新聘請的外傭姐姐放假日，至凌晨兩點半仍不回家，不知應該如何是好。後來她再在社交平台上更新，稱已與姐姐分手，並力數姐姐「七宗罪」。網民看畢其姐姐表現後大讚孫慧雪有耐性，同時批評其外傭姐姐「極離譜！」
更多文章：【育兒】研究：爸爸湊大的小朋友未來更容易成功 全因3種教育方法影響！
孫慧雪日前在Facebook專頁上發文，指她請了位姐姐，但第二次放假時到凌晨仍未回家，問一眾網民「應該點做」。後來，她在專頁上補充，姐姐在翌日早上6時才回家，回家後一直不願起床，孫慧雪11時洗完碗和自己照顧小朋友後才再叫醒姐姐。姐姐沒有認錯之餘，更表示：「我唔舒服咪唔返嚟囉」，一直在男友家逗留至早上。因此，孫慧雪決定跟她即時「分手」。她再分享新姐姐的「7宗罪」，並無奈地表示或許是自己太腍善才會「畀人恰」。
新姐姐之七不思議：1.本來應該到嗰日姐姐失聯，後來再出現話前僱主幫佢搞farewell party，所以失蹤咗一日。
2. 嚟到唔做嘢，我洗衣籃傾瀉，我哋問佢係咪唔識用洗衣機啊？不如教你呀，佢話：我識呀，已經幫自己洗咗幾機衫，然後我先發現，係喎！晾起全部都係佢啲衫！
3. 嚟到第一日，要求每晚有me time做運動，都唔緊要，但係佢晚晚一早就自己收工，唔會再幫手，然後攞瑜伽蓆，換晒full set運動衫，做瑜珈！跟住又係洗自己啲做完運動嘅full set運動衫唔係我哋啲衫⋯⋯
4. 面試時，佢話自己好內向，唔鍾意出街，剩係會匿喺屋企，除非有緊要事要辦先出去，下午兩三點都已經會喺屋企，結果第一日放假，佢話夜晚11點先返，我哋O晒嘴，話佢interview都唔係咁講，佢話我鍾意匿喺男朋友屋企，可能我幫慣外國人做嘢囉，同你哋style唔同……
5.佢做咗幾日，表明自己就做唔晒啲嘢㗎啦，你哋請多個姐姐嘅時候，我再同佢傾，點樣合作做你哋屋企啲嘢啦。其實我屋企只得我、老公同小朋友，小朋友已經盡量自己湊，接送都係我同老公，有家教老師喺度嘅時候，佢都唔幫我哋執床，自己去咗me time…
6. 最誇張嘅係：第一日入屋，佢用神力推咗我屋企隻窗落街！真係非常好彩係，無傷到人！ 之後佢同我講， 隻窗係自己跌咗落街！（註：隻窗喺工人房） 利申：我哋屋企係新裝修，仲要有驗窗，可能係之前啲姐姐整鬆咗，都唔可以完全怪晒佢嘅！不過係我人生入邊一件好難忘嘅事！
7. 叫佢幫我哋攞嘢，佢話佢攞唔到，叫我哋自己攞。
網民紛紛留言批評姐姐離譜，更稱姐姐「博炒」！有網民亦反問：「點解你可以容忍佢咁多日？」她則回覆，表示：「係咁諗住再試下啦！」就連吳若希亦留言，認為應向入境處投訴，「哇！！不如……報畀入境處聽，black list佢啦…… 」她亦回覆：「為咗大家著想，我會寫好呢封信！」
