一段婚姻之中假如伴侶出了軌，另一方受的傷害是無法想像，並不是時間可以沖淡一切。一位人妻在網上討論區發文訴苦，指發現老公出軌後，對方雖然與第三者已結束關係，回歸家庭，但自己心裡始終都有一根刺，每日都心如刀割，傷心到想哭都哭不出來。人妻一直鬱鬱不歡，但又不敢直接跟老公表達怕會趕走對方，更坦言怕自己想不通會做傻事。
一位人妻裡網上討論區親子王國以「老公出軌後」為題發文，指自己自從揭發了老公出軌後，對方對方雖然與第三者已結束關係，並選擇回歸家庭，但自己心裡始終都有一根刺，久久不能釋懷，每日都開不了心，傷心到想哭都哭不出來，「我心好似被刀割咁，每日都唔開心，想喊又喊唔出，可以點算，再咁落去我怕我會癲….」
人妻更透露自己是一位全職媽媽，基本上所有生活都是圍繞著子女及老公，一直跟老公的關係都不太差，不明白為何老公會出軌，「一直同佢關係唔差，估唔到……….我好失敗，點解要發生喺我身上」。她更向網民訴苦，指自己突然會情緒低落，指不敢給面色老公看，也不敢表達自己，怕會趕走對方，更坦言怕自己想不通會做傻事，「我怕我表現不快會趕走佢，但其實我內心一直都流緊血，有時好似無野，突然間情緒就好低落，我怕我真係會諗唔通做傻事。」
事件令人妻久久未能走出陰霾，情緒一度大受困擾、沒有胃口進食及失眠，一下子瘦了十多磅，「開頭食唔到，而家食返少少，不過都係跌磅，最大問題係我瞓唔到，不停會諗起d畫面」。幸好人妻發現到自己的情緒問題，已尋找社工協助，「（小朋友）一個初中，一個高小，我已經揾左社工，因為我知道自己再咁落去會唔掂，情緒會失控..」。
帖文引起熱議，有網民建議人妻好好與老公溝通，了解雙方之間的問題，「你有冇認真同你老公傾究竟係咩問題引致佢出軌？！係性生活唔美滿定佢賤，想要新鮮感定點！？又或者會唔會你地之間出現咗問題，而你地冇去正視呢？！因為唔知原因可能會有下一次。」
人妻回應指，每次都想跟老公好好溝通，可惜每次他都逃避，「我都係喺佢屋企人口中先知佢怨我只顧小朋友而忽略佢，佢而家的確唔敢發我脾氣，但我都唔敢過火，佢一出門，我d情緒就開始黎料⋯」。
另外有網民叫人妻好好維持自己的經濟條件，「keep 好錢財，有錢有計。」、「你經濟要佢support ？ 要的話，就快快去找工，如有小朋友，就請工人，自己去返工。」。
有網民擔心人妻患上抑鬱症，勤她盡快看醫生，「你訓唔到又有自殺傾向，你好明顯已經患上抑鬱症，快啲睇醫生啦！如果唔係好易出事。你首要係訓到教先，其他的都要用時間解決！加油呀！」、「我相信目前妳最需要係搵專業人士輔導妳，唔係話妳有問題，妳既困擾反應好正常，只係一日妳唔可以走出嚟，妳就痛苦一日，呢方面一定係要靠妳自己，所以如果憑自己解決唔到，就要搵專業人士幫手，會有效好多」
