今年到親戚家拜年，你有遇到一樣的情況嗎？有JM於討論區抱怨，家中親戚的孩子於拜年時不打招呼，只顧玩手機，直言「我唔想畀利是佢哋！」
有JM於《親子王國討論區》以「新年流流，親戚個小朋友唔叫人」為題發貼，指平日間中都會跟該親戚及其孩子見面，但每次都不會打招呼，只會板着臉玩手機，即使在新年期間都一樣，所以不想給她利是。她生氣地指︰「未有公主命，先有公主病！一直都無禮貌，父母唔會話佢哋。」
她又指，如果選擇不與她們一家見面，家中長輩又或許會有微言，遂向網民請教應對方法。不少網民指自己都有相似經歷，「試過阿嫲話佢地做咩唔叫人，個阿媽話：人地唔想叫，做咩迫人叫 ，幾威」，又直指若不打招呼不叫人就直接不給利是。有人又認為需視乎年紀，如果小朋友還小，可能怕生保才不叫。
另外，有其他相似經歷的網民則提出令一個觀點︰「人哋的家教，教得好唔好，關我乜事？
一封利是仔一百幾十，都叫睇咗啲嘢，當買飛睇戲，下年再嚟又當買飛睇續集睇下有無改變。
再講，同個小朋友計較，就真係失長輩身份」，有人更笑言，派利是給孩子時「祝佢口齒伶俐、人見人愛，心諗有呢啲細路仲好，更加顯得我仔女有家教。」
