很多人經常以為媽媽平時在家的工作很輕鬆，但當有朝一日媽媽不在家，要親自承擔媽媽的工作時，就會發現原來媽媽真的很辛勞。有港女日前在網上討論區發文，指由於媽媽去旅行，因此便由她暫代煮飯的工作，每日收工趕去買餸煮飯，卻被家人嫌三嫌四，爸爸更直言「豬都唔會食」，令她極為難受，並指終於體會到媽媽平日的辛苦。
該名港女日前（8日）在香港討論區以「好心煮飯仲要畀人嫌三嫌四嘅感覺真係唔好受...」為題發文，指媽媽最近去了旅行，由她接手暫代煮飯一職。她表示每日要思考菜式甚為困難，以往見媽媽煮飯，每日都會有不同菜式，基本上每一餐都會有「3餸1湯」，但原來並不簡單。
《香港愛情故事》劇照
港女負責煮每晚的晚餐，收工需要買餸煮飯已甚為疲累，豈料辛苦煮完卻無人欣賞，爸爸和妹妹對其廚藝嫌三嫌四，「又話唔想食呢樣果樣，又話煮得唔夠味...」她大感委屈，認為自己煮給他們吃已經好好，亦不用他們洗碗，但他們還要求多多又不願自己煮，並指最令她生氣的是爸爸的一句說話，「阿爸仲要話︰攞去喂豬，豬都唔會食！」
港女表示，有品嚐自己煮的餸菜，認為味道正常，亦稱得上美味，但家人則認為叫外賣更好。她解釋，不想家人叫外賣是為了家人的身體著想，不想他們吃外賣味精食物，認為自己在家中煮飯會較健康，價錢亦較便宜，「咁辛苦煮畀佢哋食佢哋仲咁多嘢講，突然明白咗阿媽平時煮飯原來係咁辛苦㗎！」她指待媽媽旅行完回家就不會再煮，並直言「真係煮到心很累」。
帖文引起網民熱議，不少人同情港女的遭遇，建議她不要再煮，「吃力不討好～下次煮畀自己食」、「咁辛苦自己做咩，叫外賣算啦」、「咁講野好過份，你唔好再煮，等佢地伸個頭出窗口度食風」、「買外賣算啦，又唔係唔使返工，而且都係短時間啫」；另有人建議樓主買兩餸飯，「兩餸飯平靚正使乜搞咁多嘢」。
帖文來源：香港討論區
