婚姻從來不只是兩個人的事，情侶步入婚姻先要取得雙方家長的同意，如果婚後要與伴侶的家人同住，更要適應對方的生活習慣，日常生活每個決定亦要有照顧家人的感受。有港女在網上發文，指她計劃於8月與男友結婚，並在婚後遷入男家同住，但未來奶奶對他們結婚的日期、裝修日期，甚至睡新床的期都有意見，「要擇日同正式簽咗紙先得」，令她感到煩厭。
該名港女在親子王國討論區以「都2022年點解仲要禁傳統」 為題發文，指她與男朋友計劃於今年8月結婚，未來奶奶得知後，每隔數天就表示要為結婚相關的事宜擇吉日，例如簽紙、結婚後吃飯、裝修房間，甚至睡上新床的日子都要擇日，令她不勝其煩，「擇到我忍吾住好嬲講左句乜都擇日，我吾（唔）結喇，好煩」。
她透露，男友家境不太好，過去一家人居於劏房，近年才成功上公屋，她在婚後計劃遷進男家的公屋。她的父母亦體諒男友的家境，不要求禮金，只想她開心。不過，未來老爺奶奶卻要求多多，「比我感覺佢屋企好多規矩，又吾係咩豪門，我父母都係想一切從簡，我依家都吾（唔）知可以點」。最令她無奈的是，男友希望她能妥協，「我覺得真係太過份了，真係無辦法接受，根本佢媽就係得寸進尺，就連佢結婚擇日都吾（唔）係正式按我出生年月日去擇」。
《我的婆婆怎麼那麼可愛》劇照
帖文引起熱議，不少人認為既然樓主選擇婚後遷入男家，自然要尊重老爺奶奶，「間屋係佢哋，咁佢哋真係有權擇日安床等等」、「住人屋企當然要守人家規矩啦，你想話事咪搬囉，老爺奶奶先至係屋住（主）！」、「要搬入人地屋企一齊住。但又唔跟規矩。仲要大返人話唔嫁」。
亦有不少人建議樓主與男友努力儲錢自主，有一定經濟能力才考慮結婚：「為咗慳錢走去同99住，簡直係自尋煩惱，加上你老公係孖寶，你婚後日子有排受氣」、「未嫁已經咁，入左去住仲多問題，平平地住湯（劏）房啦。少d（啲）見和諧d（啲）」。
