作為夫妻總會有一定的感情基礎，如果有一方突然提出不再愛對方，相信絕對不是一朝一夕的事。一位港媽在網上發文訴苦分享老公突然坦言不再愛她，原因是她太強勢令自己感到很卑微，更要求她作改變，否則只好離婚，並強調當中沒有涉及第三者，港媽聽後大為驚訝，亦有反思自己近年來的確忽略了老公，想維繫這段婚姻但不知怎樣做才好，於是發文求問網民意見。
一位港媽在網上討論區親子王國以「老公突然講唔愛我，只但為小朋友想以朋友身份照顧小朋友」為題發文，分享近日老公坦白指出港媽太強勢，令他覺得自己很卑微，直言不想再跟她過這樣的生活，「我強勢，話我唔愛佢。要求我改，唔改就即離。」，更要求港媽作改變，否則只好離婚。
港媽聽後有認真反省自己，承認這幾年對老公的態度的確很差，「我鬧小朋友又好惡咁又鬧埋佢一份，佢一直都包容我，幾乎不鬧我。」，她知道自己做得不好，表示現時已努力作出改變，可是好像已經為時已晚，老公似乎愛意已不在，指只想同以朋友的身份共同照顧小朋友，並強調沒有第三者，「但老公話愛我幾乎零了，話我傷得佢太深，又話無第三者，只想同我以朋友身份照顧小朋友算。」
港媽表示未摸索到老公心底裡真正的想法，未知道挽救婚姻的機是有多高，「其實佢都仲好關心我，又仲未俾我除隻介指，都無親口講要離婚，但就有時就會提如果離左又點點點，又話如果大家都搵到伴侶一齊前要同大家講聲。又提離婚決定權交俾我。」，但港媽確切地表明是想維繫及修補這段夫妻關係的，「其實我係仲想維繫的，因為我都知這幾年嚴重忽略佢，佢咁講係咪唔想維繫依段婚姻呢？係咪我改都沒用了？」
婚姻關係破裂令港媽大受打擊，影響到情緒，「我真係唔知點算，離婚好似離我好近又好遠咁，我已經半個月食唔到瞓唔到，好痛苦」。港媽一心想挽救婚姻，但不知從何入手，希望求問網民的意見。
帖文引起熱議，有網民支持港媽嘗試積極改變，但不要只是為了老公而做，而是讓自己變得更好，「首先專注於改變自己成為一個平時生活上容易相處嘅屋企人 對自己對屋企人都有益。」、「讓自己變得更好，唔係為人地，係要為自己！我覺得你老公一直都縱容你，佢都唔無辜！」。但亦有網民不太看好這段婚姻，「只有妳先知佢仲愛唔愛妳，如果佢真係死左心，不但妳做乜都無效果，而且仲會更傷⋯」。
另外有網民認為雙方都有責任，應該大家一起去解決，「睇吓你老公肯唔肯同你去見婚姻輔導？如果肯可能可以改善到」、「一段婚姻搞成咁，唔可以話一定係樓主單方面嘅責任，如果大家真係想挽救婚姻要坐低認真去傾，一齊面對，否則你有你改，但老公心態隨時接受第二個，或者心中已經有人選，唔想做衰人，只係等樓主頂唔順自己走人。」
