為人父母甚艱難，要照顧有疾病的寶寶就更大壓力了！港媽在親子王國討論區，以「畀奶奶整喊」為題，大呻被奶奶折磨的事件！港媽指，其寶寶2個月大，因為先天性腸扭轉，出世時只有2公斤。奶奶為了「谷肥」寶寶，於是促港媽煲米水開奶，惟港媽諮詢中醫朋友，認為寶寶的腸胃及腎難以消化米水，故向奶奶反映問題。
奶奶反指港媽「唔識嘢，咁你聽你嘅中醫朋友啦！」港媽深感無奈，但又因為沒有工作而無法搬離奶奶家，「依家佢每朝都會煲定一日嘅粥水，我就係每日出去偷偷地倒一半再溝翻啲水入去，雖然咁做好衰，但係我真係冇晒辦法，唔想搞到同佢反面關係咁僵。」
網民認為港媽不能餵奶水給寶寶，港媽無奈指早上無法避免，擔心與奶奶硬碰硬，奶奶會不讓她湊寶寶，「一講佢就話唔畀我湊BB，唔畀我餵奶。」另外有網民勸港媽找工作，但港媽擔心讓奶奶照顧寶寶更危險。網民則認為唯一解決方法便是找工作，設法離開奶奶家，「你記住你先係小朋友嘅媽媽，你有責任保護佢，憑咩唔畀你湊？」
