夫妻之間最重要是互相尊重與信任，一旦信任被打破就很容易出現裂痕。有港媽在網上討論區發帖文，指近日發現老公的手機垃圾桶內有一條影片及一些截圖，驚見主角是兒子同學媽媽的背影。老公更把影片中身穿短衫短褲的媽媽截圖，再放大來看。港媽發現直言「感覺好似比人背叛，個媽媽我仲要知邊個」。事後直接向老公了解事件，對方雖然承認及道歉，更斷言沒有下次，但港媽心裡仍放不下。
該名港媽在親子王國討論區以「關於老公既行為，請指引我」為題發文， 分享近日在老公手機的垃圾桶發現他拍了兒子及同學媽媽的背影，影片中的媽媽身穿短衫短裙。港媽指本身來是一條影片，雖然主要是拍兒子，但老公竟然把同學的媽媽截圖並有2張放大圖。事後直接向老公了解事件，質問他究竟是想看甚麼，對方直認不諱，指是想看同學仔媽媽的短裙「佢承認左，之後同我道歉，話唔會有下次。」
但港媽心裡已經受傷，對此事放不下更充滿疑問，「仍然好唔開心，短裙我有著，我自認都仲好青春，究竟有麥好睇要咁放大」港媽更指感覺好似被背叛，「個媽媽我仲要知邊個」。
港媽心中一直有根刺，不想跟老公溝通。她分享今天老公請了假，本來是跟他及其同事到內地玩樂，「由尋日至而家我因為仲好唔開心無聽佢電話，我送完小朋友上堂返到家仲見到佢，但沖完涼佢已出左門口。」
而令港媽更不快的是老公沒有關心過她的感受，沒有好好哄她，「我真係好唔開心，喺呢一刻明知我唔開心，仲選擇同同事出去，我應該要點消化各種情感，係我放大左件事嗎？」
帖文引起討論，有網民認為港媽應該跟老公好好溝通，把自己的感受說出來， 「等佢返黎坐低傾下 了解下佢點解會影」。另外不少網民指這是男人的天性，認為有機會是想截圖與朋友分享，「有冇可能佢影黎係想send比fd睇?即係係街睇女仔見到靚女會想share比fd睇咁」、「99%男人係咁，男人群組嚟嚟去去都係分享少布女人相同影片，AV或者偷拍片都係咁樣傳嚟傳去」。
亦有網民建議事主息事寧人，以免破壞感情，「男方cap 圖睇女，講得白點, 軌都未出, 你已咁大反應, 他日發生大事(touch wood) 你點算？」、「既然對方道左歉，你見好就收啦, 否則盞迫男方收得更埋, 下次5俾你check 電話免煩。」、「佢道左歉，你就要自己消化件事。你啖氣落唔到，只因覺得佢無氹你，同相中人係你認識囉」。
