面對有絕症的老公對小三念念不忘，你忍心離婚嗎？一位人妻在網上發文，分享患上絕症的老公一直跟多年前的小三互傳短訊聯絡。人妻透露這個小三早在10多年前已經出現，當時跟老公仍是拍拖階段，小三更是育有兒子的有夫之婦。老公多年來堅持自己沒有出軌，「佢淨係承認過同個女既拖過手同攬過」，人妻一直相信老公，直到近日對方自爆曾經跟小三上床，令人妻崩潰，但卻不忍心離婚丟下患病的老公，也不捨20多年的婚姻。
一位人妻在網上討論區親子王國以「好辛苦，唔知可以點...」為題發文，分享自己的老公患上絕症，很大機會只剩下一年命，惟對方在接受手術後竟然主動與多年前的小三聯絡，聲稱要跟小三交代，要讓對方知道自己發生什麼事。
人妻透露這個小三早在10多年前已經出現，當時跟老公仍是拍拖階段，小三更是育有兒子的有夫之婦。老公多年來堅持自己沒有出軌，「佢淨係承認過同個女既拖過手同攬過」，人妻一直選擇相信老公，並認為只是精神出軌所以隻眼開隻眼閉，「當時唔知點解自己咁蠢，決定繼續留喺佢身邊，以為真係可以令佢回心轉意。」，結果老公跟小三的關係斷斷續續維持了5-6年，直至他們結婚的前一年。
人妻又透露在婚後十幾年內，已經先後幾次發現老公跟小三聯絡，「開始既時候佢地係同事，過多幾年個小三轉咗工所以少咗聯絡。」、「C6話同小三已經變為普通朋友，淨係大時大節會 send 下 emoji 咁。」縱使這樣，人妻認為老公只是精神出軌所以繼續容忍，另外看在老公患病的份上，不想影響他病情，「我以為佢地咁多年黎都只係精神出軌所以都隻眼開隻眼閉，由佢。」
但直至前幾日逼問下，揭發老公原來曾經跟小三發生關係，「佢終於承認之前有同呢個小三上過床。佢冇答我只係一次嘅「意外」定係唔只一次。」，令人妻即時崩潰。
可是人妻不忍心離婚丟下患病的老公，「個C6有絕症我唔想喺呢段時間同佢離婚，我亦都唔捨得喺呢個時候放棄呢段差不多20年嘅感情。」但其實內心很痛苦，難以去接受，「我又真係好辛苦，唔知可以點。我喺香港冇乜朋友，親人又全部喺外國。I have no one to go to… I have nowhere to go...」
帖文引起熱議，不少網民都替人妻感到痛心及不值，更支持她離婚，「點解要同小三交代？小三係佢老婆？聽到呢句真係無名火起」、「女人嘅青春好寶貴，佢到呢刻都咁自私，絕對唔值得你嘅同情同大愛。我係你，會執包袱走人，或者考慮返外國陪吓屋企人離開呢個環境」、「正所謂留倒個人，留唔倒個心有咩用呢」、「生命倒數緊都仲有心情搵小三開心，我係樓主唔會再為呢段婚姻唔開心」、「佢真係好賤，比我如果搞得掂自己會分開」。
另外有網民提醒人妻要為自己著想，「希望樓主可以慢慢冷靜, 思考多d點樣對自己之後嘅人生最有利」、「唔好離婚，遺產你應得的。我覺得樓主應關心自己多過老公, 好好保重」、「樓主你要愛錫自己。這個賤男唔值得你對佢好。」、「傷心還傷心，樓主而家要實際啲，先保住資產，而家係點分配，有冇買保險，受益人係邊個？從另一方面諗，如果我伴侶唔係全心全意對我，有一天佢走咗，我都冇咁傷心」。
