老公不給家用你接受到嗎？有兩孩港媽在網上發文抱怨老公明明負擔得起金錢，但卻不給家用，自己作為全職媽媽只能接Freelance維生，收入極不穩定，平日還要支付小朋友的興趣班費用以及買餸錢，因此只能動用自己的積蓄。曾經跟老公提出想找全職工作，對方又不贊成。除此之外，港媽認為老公毫不關心自己與小朋友，令她更心灰意冷，直言跟偽單親沒有分別，因此有離婚的念頭。
一位港媽在親子王國討論區以「呢個情況老公唔比家用ok嗎？」為題，分享自己是全職媽媽，有兩個4歲與6歲小朋友，老公的人工支出在供樓，水電煤，管理費，資助幼稚園學費。而自己平日要照顧家庭及小朋友，只能接到接freelance工作，「一個月有時1萬，有時零蚊收入，不穩定。」平日還要支付小朋友的興趣班費用以及買餸錢。
一年前炒掉工人後，每月會給$5000港媽作為家用，但上個月開老公聲稱沒有多餘錢，因此沒有再給家用港媽，卻一直有給老爺奶奶家用，「但以我所知，佢仲有比錢6299, 佢地全部有工作，可以話有錢過我地好多。6299 有講叫佢唔使再比錢佢地，留返比自己。」
港媽透露自己心知老公在經濟上是負擔得起，亦有多餘的金錢，只是不肯給她家用，「我係肯定佢比到家用，佢一直係孤寒」，因此港媽更加不能接受，現時只勉強動用自己的積蓄，「我好唔開心，食緊自己老本，其實咁嘅情況，佢唔比家用正常？」
最令港媽無奈的事，她曾經提出想找全職工作，惟老公不贊成，但又不給家用，「如果搵到全職，我係會有錢剩，請返工人，財政獨立返，但佢又唔讚成，話兩個無人湊」
除了家用問題外，港媽更抱怨老公不關心自己與小朋友，「佢放工返嚟就只係玩電話，仔女叫佢唔理，家務更加唔會幫，係媽寶嚟。」即使一家人放假外出玩樂，老公會行到一旁不理她們，由得港媽一打二照顧小朋友，「好似佢活喺自己世界咁，小朋友同我嘅事情乜都唔理，唔想去知。
但排除佢一定出面無第二個就真嘅」，港媽心灰意冷，認為現時跟偽單親沒有分別，直言開始有離婚的想法。
此外老公對她完全不上心，令港媽十分心淡，她指老公只會花錢娛樂自己，卻從不會買禮物送她。「結婚咁多年，我生日或結婚週年，毛都無條送比我，係一次都無，其實好心淡 ,佢唔係無錢買，因佢成日會買玩具比自己，講緊係d 要訂嘅高達etc...當妳經常幫佢收速遞而唔係比自己嘅時間，我又再心淡。」
帖文引起討論，有部分網民表示有共鳴，指自己同樣要幫補家計，自給自足，「你已經好好, 水電煤，管理費, 保險, 工人 etc. 我都有份比」、「我都冇, 麵包同包包都係自己買, 自給自足, 仲要幫補家計」。
有網民提醒指大家千萬不要做全職媽媽，「我係你case就老死唔做ftm, 唔好同我講有freelance 就唔算係ftm」、「你都係搵人湊小朋友，自己去返工啦，你要有能力先有選擇」。
另外有人直指是否給家用不是重點，而是夫妻關係問題，「唔係家唔家用嘅問題，而係佢唔錫你唔關心你，對頭家唔投入，唔理小朋友，可有可無。」、「佢好似比較自我中心，最愛佢自已，唔好話對你，對 小朋友都唔多理.....如果以上估計正確，或者試下由多啲讚賞佢，令佢多啲為小朋友付出開始。」
