不少有小孩或寵物的家庭都會安裝寶寶監視器, 用意是掌握他們在家的狀態以確保安全，但是如果另有所途就要正視問題。一位育有一名兒子及兩名女兒的港媽近日在網上討論區分享，揭發自己老公竟偷偷安裝閉路電視在家中的客廳及廁所，而對方的理由竟然是「你都唔俾我掂」，對此港媽極之反感，更直言想離婚「以後更加唔使指意掂我」，但大部分網民認為事態嚴重，推斷事主老公很大可能是偷拍兩位女兒。
一位育有一名兒子及兩名女兒的港媽，近日在網上討論區親子王國以「估唔到死佬會咁做...」為題發文，分享近日發現自己老公竟在她不知情的情況下，在家中的客廳及廁所安裝閉路電視。她指有日兒子拿了老公的手機來玩，起初以為兒子是在看YouTube影片，怎料細看之下，原來是家中的閉路電視。
港媽稱家中很多年前曾因為靈異事件有裝閉路電視，但之後因為覺得唔自在，加上私隱問題就不再裝，對於老公私下偷安裝閉路在家中大感驚訝兼憤怒，「好啦佢冇同我講都算，最令我嬲嘅係除左大廳外，喺廁所都裝左，大佬吖呢d係咩心態，仲有2個囡喺度㗎！」最令事主激心是關係到家中兩位分別4歲及9歲的女兒，「雖然佢哋仲細，身為爸爸嘅你係咪變態吖？」
事發後港媽有當面與老公對質，但對方的回能亦是令人大失所望，「佢竟然話我唔俾佢掂...無錯，我哋已經有5年無性婚姻，但都係因為2個囡跟我訓，屋企得2間房，一間阿仔訓，死佬喺大廳訓梳化床，呢d只因屋企細冇辦法.....」港媽接受不了老公做出如此荒唐的事，「AV仲好睇啦！睇我做咩」，更直言想離婚「我依家就係好想離婚，以後更加唔使指意掂我 ，真係好嬲」
港媽不知怎樣面對及解決此事，「我寧願佢偷食或叫雞，只要識返屋企做返爸爸感有嘅責任，養大小朋友我無所謂...依家真係唔知點面對佢」。
帖文引起熱議，大部分網民認為事主老公的舉動極不尋常，覺他安裝閉路是有意偷窺兩位女兒，「你老公都真係好變態wo！！！話就話係睇你，你有兩個女，查實點知佢心底係想睇咩～無性想要靠偷拍來解決，點諗都係變態！！叫雞都仲覺得佢正路一D~你真係要同佢好好咁傾下！」、「恕我直言，你老公唔係用個cam黎睇你，明知老婆走唔出個男人經濟掌控，兩個女凍過水」、「變態！！！一定唔係睇你咁簡單」
另外亦有網民建議事主好好正視問題，「你c6真變態，不過5年無性點得架，照顧家庭，忙，攰都係藉口黎。」、「真係要正視呢個問題，同老公好好傾吓。」
網民認為事態嚴重，建議事主應報警處理，「依件事極其嚴重，程度比起所有偷跳出軌叫雞都更惡劣，僅次於性侵親生仔女，建議收集證據報警處理」、「好嚴重，建議報警，你離婚佢都有權探視d女」、「佢仲睇埋兩個女呀！已經可以報警處理了!偷窺！好恐怖，你要睇實兩個女」。
