人有夢想才會積極上進，如果你的另一半想到外國追尋多年的夢想，但卻要與你分隔異地，你會放手讓他追夢嗎？有人妻在網上發文，指丈夫一直的夢想是成為飛機師，若通過考核需要到外國受訓逾一年，後來因為她不想異地戀，丈夫亦暫時把夢想放下，近日有航空公司推出機師訓練計劃，丈夫再次心動，但她卻對異地戀感到抗拒，又擔心丈夫的收入受影響，感到十分苦惱，遂尋求網民的意見。
該名人妻在親子王國討論區以「應唔應該俾老公考機師」為題發文，指老公一直以成為飛機師為夢想，多年前，亦是在婚前曾經參與考核但失敗。由於考核後需要到澳洲接受長達一年的訓練，但當時她很抗拒異地戀，所以老公未有再度嘗試，暫時把夢想放下。
近日，有航空公司推出機師訓練計劃，老公因而心動，但她亦十分苦惱，不知道應否放手讓老公追夢。她表示，平日老公要輪班工作，有時候她需要獨自入睡已經感到辛苦，「我接受唔到Long D」，加上他們的狗隻有情緒問題，「好惡會咬我，平時淨係我老公先可以掂佢，所有日常照顧如出街、沖涼、餵藥都要靠老公搞」，還有經濟上的考量：「老公去訓練一年多會無收入，只有佢自己嘅生活津貼，咁我哋唔知點交租。」
《不懂撒嬌的女人》劇照
不過，人妻亦直言如果放手讓老公追夢，大家日後的生活質素可以提高，老公的夢想亦可以實現，確實有不少好處，「所以我真係好苦惱呀，想聽下多啲唔同人嘅意見同睇法」。
帖文引起熱議，有人認為難得樓主的丈夫有明確的夢想，更有機會提升生活質素，何不支持和配合，「一次咁多，試下唔好只係諗你自己。大家過到呢關，關係應該會更提升更濃厚。」、「有幾多人窮極一生都唔知自己夢想係乜，難得你老公有夢想，仲有機會可以實現改變日後生活，做老婆一定要鼎力支持」。亦有人認為樓主想得太多，畢竟她的丈夫還未參與考核，能否通過都是一個問錯，「佢有夢想，作為老婆咪即管支持下佢去試囉，講真十劃未有一撇，到時佢真係考到先再算，又或者佢再考都唔得，就等佢自己放棄囉。」
有人批評樓主太依賴丈夫，認為夫妻是獨立的個體，「生活中心圍住老公轉，妳自己嘅生活呢?? 妳咁樣生活梗係唔開心無安全感啦」、「怕黑就開燈瞓, 有狗狗陪你瞓唔係自己一個人，改變心態有時一個人瞓也是一種享受！」亦有人建議她正視狗狗的問題，亦要有經濟能力，「冇錢交租係一個好大問題，叫你老公至少搞掂呢一年嘅租金先好去追夢，唔知你有冇工作，如果冇你都盡快搵工，你老公如果隨時走咗去你都要有收入照顧自己。」
