經營一個家庭，夫妻兩人都要付出。有全職媽媽在網上發文，大呻老公從來不給她金錢，又對她管束甚嚴，令佢感到難受。
該名港媽在親子王國討論區以「最忍受唔到老公有咩缺點？」為題發文，指她與老公交往3年，自拍拖起老公從來不會給她金錢，直至小朋友出生後也是一樣，「因為佢收入唔算穩定 佢話佢好辛苦，賺啲錢返嚟驚我亂洗」。
而老公會負責家庭的所有開支，包括租金、水電煤和女兒的日常開支，但她不滿老公從來不會額外給她金錢，「同佢一齊佢冇買過任何護膚品化妝品俾我、依家都係我自己靠網上賺錢買少少返嚟」。
除此之外，老公更對她管束甚嚴，包括不准她回娘家過夜、不准她單位與朋友外出，令她十分無奈，「我諗緊，如果我等我個女返學之後佢家用又唔俾我嘅話，我會同佢講我出去做嘢！如果連出去做嘢佢都唔俾嘅，其實係咪可以分開？但係分開咗係咪真係過得好好其實我都好矛盾」。
帖文引起討論，不少人認為全職媽媽不易做，建議她為自己打算，「當你乜都要靠佢，只可以話以後佢睇死你冇佢唔得，就算佢出軌佢可能重要惡過你，你想買任何嘢，都要比佢知比佢管！重要睇佢面色，低聲下氣！有排你受氣，重要同社會脫節、冇朋友！jm, 勸你可以的話早D返出黎工作！」。
