賭博成癮令到婚姻都走上絕路值得嗎？一名港媽在網上發文抱怨結婚13年的老公因為賭博成癮而欠債多年，一直以來費盡心力幫助他亦嘗試重整家庭。2年前誕下女兒，港媽以為老公會改過，怎料都是死性不改，依舊再賭再借，令港媽心灰意冷決定要離婚：為咗個女我決心離開！
港媽在親子王國討論區以「老生常談，老公欠債，決定離婚」為題，分享自己與老公結婚13年，育有一個2歲的女兒，婚後多年來老公一直沉迷賭博更欠債累累，港媽指自己十分無奈，只好一次又一次協助老公還債。起初以為誕下女兒後對方會改變，但始終都是死性不改，繼續再賭再借，令港媽極之失望決意要跟老公離婚，「為左個女我決心離開，已經搬開左，無共同財產，亦唔駛贍養費。」
雖然港媽已立定決心要跟老公離婚，並想盡快辦手績，惟有一些現實問題需要先解決。由於她夫妻二人居住在政府宿舍，因此要考慮的事比較多，「分居呢步要老正，如果分居即使分房瞓理論上都要向部門申請，好似係，我未求證。」港媽指出想單方面先入紙申請離婚，所以請教網民有關的手續問題，「預左有債主，唔知會唔會搵到我，但我唔係擔保人，離婚一定先分居一年？申請左先再分居得唔得？」
帖文一出立即引起熱議，有網民支持港媽離婚，認為影響到小朋友的人身安全及日後成長，「賭癮好難戒得甩，就算幾愛都係假，你仲要有個女要養，一定要同佢劃清界線」、「你幫佢還咗咁多債已經仁至義盡，帶埋個女走唔好再理佢，成日有人上門追債恐嚇會嚇親小朋友造成童年陰影，賭仔無得救，13年都唔醒咁就一世都唔會醒。」
港媽直言也很擔心人身安全，「愛唔愛都要走喇，最討厭係唔知佢借左幾多借左邊幾十間，好多未知都有啲擔心，債主蒲頭錢我就一定唔會還㗎喇！」
另外亦有網民持不同意見，認為大家不應該慫恿別人離婚，感嘆婚姻很脆弱，「賭的確唔啱，但大家都直接教人要分開 , 夫婦感情呢樣野原來真係脆弱 , 大難臨頭就要分開。」對此，港媽回應指情況已持續13年，亦有嘗試去包容等老公改變，並非對方口中的大難臨頭各自飛，「堅持左13年都唔改過，如果我有左個女都唔醒覺，咁我就真係太自私喇，你無經歷過絕望，可能仲有一絲憐憫，但你話我因為大難臨頭所以分開，你就大錯特錯喇！」
多年來種種經歷令媽心淡，她認為老公已去到無可救藥的地步，亦指對方沒有珍惜過好的付出，「唉！有時候自作孽，佢無珍惜過我為佢付出過嘅所有，幫佢重整一頭家，食到生活到，有閒錢時去下旅行，有部爛鬼車揸下！我唔知佢心裡面缺少左啲咩，硬係要一而再再而三破壞我一手建立嘅所有野！」，港媽最後感嘆指每個人都要為自己的人生負責，「人生係佢嘅，但我嘅人生唔可以再為佢浪費，亦唔想佢破壞我以後嘅路！」
