老公出軌對象竟是女兒幼稚園老師…有港媽在討論區發現老公懷疑出軌的證據，更驚人的是對象竟是女兒的老師，令她不知如何是好︰「我應唔應該同學校講？我應唔應該同老公攤牌？」
該港媽在《親子王國討論區》以「發現老公出去偷食⋯個第三者仲要係女女幼稚園老師！」為題，分享懷疑老公有第三者的經過及詢問網民意見。她指，一家人平日相處融洽，老公亦很愛錫自己和小朋友，但近日發現他在WhatsApp與一名女子交談，但亦留意到他有定期清除對話記錄。
有天港媽趁丈夫洗澡時，檢查他的手機發現，該女子發送女兒在校內的相片給她，而知道她是女兒的老師。在對話中發現「個女仔仲話好掛住佢，星期六再一齊去上次嗰個地方…」
港媽指平日都由丈夫送女兒上學，但不確定他們是否在校認識。由於一向跟老公的關係良好，「真係完全估唔到佢會出去揾女人」，正糾結如何部署︰「究竟佢哋係幾時一齊？我應唔應該同學校講？我應唔應該同佢攤牌？」
有網民認為現時勿打草驚蛇為佳，建議港媽先收集更多證據，又或者可以暗示一下對方，「畀啲內地幼稚園老師做小三嘅新聞佢睇，順便講下依家回頭仲來得及」。又有人認為她應該盡快跟老公說清楚，不過應該先想清楚自己攤牌的目的是希望離婚，還是希望老公斬纜，「趁佢哋應該未深時，一定要出聲」、「唔係叫你要去忍，但只係勸你諗清楚先行動…畢竟仲有三個小朋友。」
