對於照顧小朋友方面，父母的角色與分工從來都是一大學問。有港媽在網上討論區發帖文，指老公經常缺席小朋友的學校活動，由她獨自一人參與，幾年來如是。雖然她明白老公是因為身體問題所以未能出席，但當看到別人以夫妻二人一同參與學校或朋友的活動，直言會很傷感。
有港媽在親子王國討論區以「偽單親媽媽」為題發文，抱怨老公在照顧子女方面未如心中所想，直指老公經常都缺席小朋友學校或與朋友相聚的活動，「其實我已經做咗好幾年，係呢幾日好傷感，應該係因為最近小朋友有才藝表演同班聚活動c6都唔去， 幼稚園畢業典禮佢有去嘅。」
事主並非想怪責老公，她有解釋老公是因為身體問題而不能出席有關活動，明白他是情有可願，「雖然佢唔去既原因係身體問題，佢都唔想。」但港媽表示，每當參與學校活動，看到別人的爸爸媽媽一起出席就會有點傷感，「我地自己既家庭活動係無問題既，就係唔會參與學校同朋友既活動。」
帖文引起討論，有其他港媽表示有共鳴，指自己的老公也是如此，從來都是獨自一人處理兒子的日常生活及學業，她稱可以接受，視乎自己用什麼角度去看，「我老公從來假期都係要返工，大部分假期都係得我同個仔，但我又ok，可能我自己鍾意宅在家，重要日子去到就去，去唔到都冇計。所有學校野都係我跟晒，連帶帶佢去游水圖書館學校活動所有都係我自己一個攪掂。」
有部分同病相憐的網民表示，只好無奈接受，「我都一樣啦，就當自己真係單親，仲可以點。」、「You are not alone！我C 6也從不出席，原因係悶」、「我同你ㄧ樣，好明白你感受。」也有人認為習慣就好，「出席家長會，親子旅行，小朋友gathering等等，都係得我一個出席。只有仔女畢業先會兩個一齊去。其實冇乜所謂，可能係習慣咗。」
事主被問到「沒有改善的希望？」港媽直言覺得機會很渺茫。另外也有人安慰港媽，認為事情又未至於太差，應該多體諒老公，「我覺得你講平時家庭活動無問題，已經唔錯，有啲人唔太想見咁多人，畢業禮有去都好好，開心啲」、「如果因為身體問題，你應該體諒佢，婚姻係要互相遷就、包容先行到落去」。
