經營一個家庭並不容易，有小朋友後更要夫妻兩人互相支持和分擔照顧孩子的工作，才能走下去。有港媽在網上分享，她因意外懷孕而與前任丈夫結婚，但對方是個「媽寶」，在育兒問題上不尊重她，亦每天只顧玩樂，後來她離婚後遇上現任丈夫，才明白到男人會為愛人改變。
該名港媽在親子王國討論區以「二婚唔係啲咩醜事 行唔到落去 就冇必要啞忍」，為題發文，指她在20歲那年此認識了同校的男朋友，不久後同居，並在拍拖7個月時發現已經意外懷孕7個月，「有一日我發現自己個肚會郁有啲唔正常，所以叫佢落街買驗孕棒，結果先發現中咗」，後來兩人輟學並準備結婚，婚後她亦與老爺奶奶同住，並做全職媽媽，可惜生活並不開心，「如是者過左4年，而4年我成熟左（咗）但佢仍然係媽寶男，我同老爺奶奶既湊法有唔同，叫佢出聲佢就話佢媽係咁，叫佢唔好掛住打機都係唔理」，後來兩人決定離婚。
離婚後，她結識了現任丈夫，在一起不到三個月又懷上了寶寶，但兩人有共識要小朋友，而現任丈夫亦很願意分擔照片女兒的工作，「而家老公半夜會起身餵奶，女女而家歲半，第一個識叫爸爸，半夜女女醒佢從來冇叫醒我，夜晚我仲早訓過佢兩父女」，而兩人婚後亦是與老爺奶奶同住，「但我有意見老公會幫我出聲 有咩事佢都企係我而邊」。
她坦言兩人並不富有，「我地並不是中產，老公做司機都係新手爸爸，曾經都係媽寶男，遇上佢我先知原來一個愛你既人可以為你成長為你改變，老公食左13年煙都可以戒，所以二婚不可怕」。
帖文引起討論，不少人都認為離婚不可怕，「找到幸福要努力把握，要維持一家人開開心心生活」、「係我呀媽年代嘅人先會覺得離婚係件唔好嘅事，咩都死忍爛忍，成日令到自己唔開心，同一個唔愛你嘅人一齊有咩意思，個個都係想搵個錫自己嘅老公姐。」
