家庭教育對一個孩子的成長很重要，亦會影響孩子如何待人處事。有港婦在網上發文，分享在街上被小朋友大罵的經歷，她慨嘆現今的家長竟然如此教育小朋友。
該名港婦在親子王國討論區以「昨晚比一個細路不停鬧死八婆，依家新一代無家教 ？」為題發文，指她昨日回到香港，帶著行李在街上行走的時候，有一名年約就讀小學3、4年級的小朋友突然間跑出來，令她險些把他撞到，於是她看了看這名孩子，結果對方竟然大罵她，「佢就鬧我死八婆你望咩？一路不停鬧我死八婆」，最令她無奈的是，小朋友的爸爸就跟在孩子的後面目睹一切，但卻沒有出聲管教兒子。
她亦沒有說話，但就不禁慨嘆現代的家庭教育竟然如此，「我點解要出聲幫人教仔，人地家長係後面都唔覺得有問（題），依家新一代D家教竟然係咁樣」。
帖文引起討論，有人認為樓主的做法正確，「我都唔會出聲幫人教仔，等佢哋第日自己受番晒囉」、「我唔會出聲鬧，但係會瞪住佢拎（搖）頭…. 出聲話佢應該係佢爸爸」，亦有人認為問題出在小朋友的家長身上，「呢啲細路一定係佢父母平時都係咁樣鬧人，細路有樣學樣根本唔知道咁樣做係唔啱的，我係你我會鬧佢父母囉。」
