新冠疫情持續3年，近日香港與內地通關，許多分離兩地的家庭終於得以團聚，有人急不及待與家人相見，但亦有家庭因為分別太久而令感情疏遠，叫人不勝唏噓。有港媽在網上發文，指老公在內地工作兩年多，近日終於一家團聚，但對方卻待她十分冷淡，令她感到不安。
該名港媽在親子王國討論區以「通關後見返老公」為題發文，指老公要到內地工作，過去兩年因為疫情而無法相見，近日終於通關，但對方卻變得陌生，又經常對她發脾氣，「咁耐唔見，正常人見到親人或朋友都有個擁抱啦，冇！佢全家都有，得我冇」。
而且，老公經常無視她，「我講嘢講咗一句，第二句都未講佢已經走開。佢又會借機避開我，例如攞住部手機、話出街買嘢整嘢咁，仲會話瞓唔慣張床要去隔離房張硬啲嘅床瞓，望都唔望吓我」。最令好難受的是，她有一次發高燒，兒子亦生病，但老公竟然約了朋友，留下生病的她的兒子在家，「有人話佢可能慣咗自己一個人，霎時間接受唔到有頭家。如果係咁都好，最怕⋯」
《反起跑線聯盟》劇照
帖文引起熱議，不少人建議她與老公好好討論彼此的問題，並建議她尋求婚姻輔導，「小心處理，心平氣和大家傾吓」，她亦回應指曾經與老公討論，但對方拒絕承認，就逢兒子都表示爸爸變得不一樣，「有晚幾難得可以「約」到佢，等小朋友瞓後出廳傾。未坐低已一臉不耐煩，全程亦冇望過我，問佢佢會轉移話題到小朋友身上話我的不是，將責任推卸落我度」。
亦有人擔心她的丈夫早已變心，「可能有第二頭家」、「有冇第二個都好，佢個心唔喺你道啦」。
