育兒每天都是挑戰，青春期更是爸媽們「打大佬」的時期，乖巧的小朋友變得反叛，不再喜歡與父母一起外出，不喜歡與父母聊天，更經常發脾氣，不喜歡被管束，父母每天在崩潰中渡過，相信是不少家庭的寫照。有港媽在網上發文，指就讀中三的女兒被爸爸寵壞，只要稍一不順她的意就會大發脾氣，更遷怒於爸媽，令媽媽既失望又難受，坦言將來不可以靠女兒，要好好為老年生活打算。
該名港媽在親子牙國討論區以「呻～心情非常唔好」為題發文，指她育有3個子女，其中就讀中三的女兒從小被爸爸寵愛，脾氣非常差，但只限對家人，平日女兒與家人相處沒有問題，唯獨是不喜歡別人踫她的東西。
在過去的週末，老公不小心踫跌了女兒的東西，並重新擺放，當女兒發現後就大發脾氣，不停說粗言穢語並掉東西，「我出聲話佢佢再發脾氣，我就罰你無零用錢，佢就發脾氣將我把梳掉落地下，我就警告佢，你再掉我就將你D野（啲嘢）掉晒佢，佢離譜到開始掉櫈，仲將我D野（啲嘢）掉晒落地下」。
對於女兒的反應，港媽感到非常難受，「我自己都唔會咁樣對自己父母，唔明點解佢會變成咁，事後我話佢咁做，我好難過，對出面D人就舔狗，對屋企人就惡」，而兒子知道後亦指責妹妹，但女兒仍然不覺得自己有錯，更不願意道歉，「你有事我第一個出黎，無話鬧你將自己唔好既情緒發洩你身上，今時今日咁對我，真係好難過，好傷心，好心酸」。
《青春本我》劇照
帖文引起熱議，不少人分享如何與青春期子女相處，「有皮（脾）氣，語氣唔好，可諒解，對父母講粗口加掉野就唔得，冷靜後要同佢傾返個問題，嬲緊大家都唔好再出聲，因為唔會入耳，同埋有機會講多錯多，媽媽唔易做，辛苦了」、「我曾經試過有一次俾我女用語言激到喊好心淡，我嬲咗佢好耐！（年幾前）事後我有將我感受講番俾c6和阿女知，我有幾傷心，我女先知自己唔岩（啱）！」
亦有不少人表示無法接受孩子用粗口罵父母，勸她要好好教導女兒，「我接受唔到個女講粗口鬧阿媽，一d都唔尊重，真係好傷，支持樓主企硬，直到佢道歉為止」、「我認同中三四最麻煩，但一定唔可以縱，要罰時就罰，唔係當正自己公主」。
