隨着小朋友社交圈子逐漸擴大，接觸錢嘅機會多咗，就會對錢、大人世界增添好奇心。面對小朋友嘅奇問，既唔想十問九唔應，又唔想hea答「唔好問咁多啦，第時大個你咪知囉 ? 」，不妨參考一下FinKAB嘅建議。
答：我哋今次嚟百貨公司/玩具店嘅目的唔係買XX俾你，而係要（是次購物原因）。其實喺屋企你已經有好多同類型或類似嘅玩具（假設XX係玩具），而且有好多玩具買咗返嚟之後依家都好少再玩，造成浪費。每個人嘅家庭環境各有不同，其他人有嘅玩具唔代表我哋一定要有，相反不如你諗下有啲乜嘢玩具係你有而其他人冇嘅？如果真係好想玩嗰件玩具，不如諗下有冇其他可行嘅方法？例如問朋友借玩？用自己嘅零用錢購買？
