「上車」對不少香港人來說都是遙不可及的事,真的去少次日本旅行,就能儲夠首期買樓嗎?有人以「唔靠父母好難上車?」為題,想做個非正式統計,看看已有物業的JM們,是否都是靠父母才能置業。
有不少網民紛紛表示,這個年代若不靠父母幫忙,根本很難置業︰「說真,真係父幹,我都係......我感激父母的,沒他們沒有我」、「當年3成首期,父母1成,我同老公2成,之後就慢慢還番畀父母。如無父母支持,今日更加買唔到樓」、「認同現今後生靠自己儲首期係難,夫婦二人還有點希望。」
然而,亦有不少人無「父幹」,是自己「捱生捱死地上車」,「到依家仲係咁捱,我父母乜都冇,「靠父母」呢3個字於我說同粗口一樣難聽。」有網民稱和另一伴以「極端方式」儲錢,「好多嘢都要取捨,睇咗當買咗,冇去過旅行」,終在去年無父母幫忙下置業。
不過亦有網民認為,現時這一代經常抱怨買不到樓,是因為心頭大高。「唔好咁多要求,又要巿區,又要新樓,又話要有會所,仲唔可以細」,若果退而求其次,先買舊式單幢樓,難度會低很多。