Hi，龔老師。我應該浪費了人生20年了！
2005以低價99萬賣出屯門自住單位（買入價120萬），現在樓價$500萬以上，好sad。現在40歲，現金只有40萬，之後甚麼都沒有了，請問如何可好好運用這少少的錢？
我每月收入約20K，交租約6000，希望盡快財務自由，月供股票我打算做，另外，還有什麼意見給我嘛？
很想報讀你課程，可惜時間不能配合，謝教導
更多文章：【理財個案 — 按揭高息戶的資金分配】
個案重點：
‧ 40歲，月入$20000
‧ 過往賣出自住樓
‧ 現時無物業
‧ 持有現金$40萬
重點目標：
‧ 想月供股票
‧ 長遠想財務自由
龔成老師分析：
你唔好太停留係過往的事情上，好多人都會成日想「如果我當時，就好啦」，但其實無乜意思。
就算你唔在當時的價位賣出單位，到單位上升到某個價位時，你都會賣出，好多人都是這樣的（單位升左就賣，賺左先），因為你地都無學過資產的概念，唔明白現金與資產的分別。
呢個唔怪得你，你咁樣做，唔代表你錯，只是你地無機會學投資知識，有這樣的想法好正常。所以，唔好怪自己。
好多野，想翻轉頭無意思，唔好因為咁而令自己唔開心。你這20年都有其他的得著，你這刻好好把握時間就得。肯德基創辦人，在65時一無所有，先至諗創業，最後搞左肯德基。
你這刻的心態，將影響你之後的發展。
你有三樣野要做。
第一，好好利用$40萬，一部分可投資優質股，要分注買入，因為股市波動。記得要長線投資。
第二，你開始做月供股票，你將每月餘得的資金，大部分去做月供，不懂選股就盈富（2800）。
第三，大量學習投資知識，投資可以改變你餘下的命運，但你一定要有投資知識，睇書上堂都可以，未能上我堂就多睇書。只要你有知識，懂得選股及投資時機，只要一次的股市機會，都有機會助你改寫命運。
更多文章：【理財個案】31歲 想進取一點
若然你有問題想向龔成老師發問，可在龔成的fb專頁中（www.facebook.com/80shing）inbox龔成。
