香港地樓價高企，不少情侶都會目標是先上車後結婚。日前一位女網民在網上匿名發文，指她與拍拖一年半的打算結婚上車，購買不超過900萬的半新樓。二人分別與父母談論過支付首期的問題，由於女方財政條件較優，原本計劃女家合共出400萬，男家出100萬。後來做清潔工的男友媽卻「反口」，表示最多只會出30至50萬，「出面啲三姑六婆同佢講要留返啲錢傍身，怕我會呃佢，同埋我哋仲未註冊，冇安全感。」港女因而感到委屈，且煩惱要否親身跟男友媽「談判」。
更多文章：2歲仔唔肯食藥醒目外傭一招成功餵藥 港媽：感恩有佢
女事主在Facebook群組「我的極品四大長老」上匿名發文，指他與男友分別與父母各自談論過買樓出首期的問題，二人打算購買不超過900萬的半新樓。女事主表示，其父母可出300萬，加上自己會出100萬，女家合共會出資400萬；男友爸爸已離世，本身為清潔工的男友媽則表示可以出80萬，男友則出20萬，男家合共會支付100萬，餘下的則會以女事主及男友名做按揭，「到時層樓會落我同男友名」。
然而，女事主聲稱男友媽「聽出面啲三姑六婆講，最多只會出30至50萬，要留返啲錢傍身，怕我會呃佢，同埋我哋仲未註冊冇安全感」。女事主卻感到不忿，「我就覺得唔係借唔借的問題，是一開始已經傾掂咗數現在又變卦，伯母冇誠信，我諗緊係咪自己去勸佢？打算勸唔掂佢，我就寧願唔結呢個婚了。」
有網民質疑為何女方不自行以400萬購買價錢低一點的物業，事主則反駁，是男友要半新樓，亦不願意降低買樓要求，「我唔介意舊樓，係男友唔肯，只有女家出錢並落我名，佢負責供，佢都唔肯。」此外，她強調自己不滿的是伯母突然反口，令他們措手不及，「誠信是做人基本條件！」
網民紛紛留言，認為二人身在福中不知福，又批評二人自私，「買唔起樓唔好買」、「點解覺得父母畀錢買樓係應份？你知唔知清潔工點蓄80萬返嚟？人地辛苦錢，成副身家，諗諗下唔捨得畀出嚟唔可以嗎？決定買樓係你兩個人的事。」
