老師，我剛出來做野，發覺做野好悶，唔明點解啲人可以重覆幾十年。我都有開始月供股票，希望有天可以財務自由！
但我真係好唔想翻工，我應該點改變心態？應該點做特破？
個案重點：
‧剛出社會工作
‧對工作感沉悶
‧開始月供股票
重點目標：
‧希望有突破
‧財務自由
龔成老師分析：
你有咁樣的心態好正常，其實大部分打工仔都係咁，不斷重覆，做唔想做的工，但為錢，無奈地進入了一個死胡同的模式，大部分人唔知可以跳出去的方法，於是不斷打工，做唔想做的工作，直到65歲，先有可能停下來。
你有咁樣的心態，懂得為自己找其他出路，這是好重要的，因為好多人只會「面對現實」。你而家要保持做三樣野：
第一，保持財富增值，不斷儲錢，投資，令自己在年輕時，盡力谷大啲錢，你就有機會財務自由，跳出這個模式。
第二，利用時間，增加投資知識，既然你話返工有時間剩，咁你就要好好利用，知識可以改變你的命運，你這刻的財富不算好大，因此影響未明顯。
但當你遲啲慢慢有更多財富時，投資回報就會有好大的影響，因此，你一定要盡力學選股、企業分析、企業估值、投資時機等知識，這對你長遠財富影響好大。
第三，思考做生意，你要利用空閒時間，想想如何為自己開出路，有無可能在自己的專長中，發展成一些生意，慢慢建立起自己的事業，每次當你覺得返工好悶時，其實都要好好利用時機，其實是比一個機會你去突破。
