小朋友渡過了漫長的暑假，重新回到校園生活，看見新同學和老師難免會感到興奮，活潑一點是在所難免，但如果過分活潑，甚至是百厭就並非好事。一位在職港媽早前在討論區發文求助，指6歲兒子開學後突然變得很頑皮，先在學校以紙箱笠同學被投訴，日前又故意嚇嫲嫲令其跌倒受傷，奶奶事後憤怒表示不再幫忙湊孫，令媽媽相當苦惱。
該名港媽日前在「自由講場」以「99比阿仔嚇到chok親條腰」為題發文，指自己平日朝9晚6工作，6歲兒子平日由奶奶照顧，晚上和假日才由她親自照顧。受疫情影響，兒子由去年中起無法回校上課，至今年四月重新上學，但開學兩個月又放暑假，未知是否因為大多數時間都被迫留在家，兒子開學後性格行為大變。
媽媽指開學第二日，兒子就被老師投訴整蠱同學，以紙皮箱套著同學弄哭對方，遭到同學家長向校方投訴，「聽老師講係一班男仔玩，互相整蠱大家，追逐下，跟住阿仔就拎起紙皮箱笠落其中一個同學仔個頭，之後佢拎返紙皮箱落黎時同學仔就喊。」媽媽指事後已嚴懲兒子，老師亦要求他向同學道歉。
除了在學校闖禍，兒子更將矛頭指向照顧他的嫲嫲。早前奶奶到學校接孩子放學，他特意跑到轉角位藏起來，奶奶走到轉角位時，他突然跳出來大聲嚇人，奶奶被嚇至跌倒扭傷腰。媽媽指事後奶奶十分憤怒，直言「唔湊個死仔，叫我自己湊返」。
對於兒子屢次闖禍，媽媽十分不解又頭痛，指他平時都有少許頑皮，但未見有太大問題，懷疑兒子因為困在家中太時間長，一回到學校，看見新環境便異常興奮，變成過度活躍，「平時屋企百厭極都有個譜，一返學識到新同學就控制唔到，有冇小朋友都係咁，屋企閉翳太耐，返學變到過度活躍。」
相關帖文引起很多媽媽熱烈討論，有人認為類似行為已非普通頑皮，需要加強教育，「樓主講佢仔呢2件事，都真係好曳。咁對同學，係欺凌。咁對老人家，分分鐘攞命。老人家跌一跌，真係唔講得笑」、「覺得唔關困喺屋企太耐事，係小朋友行為問題，你要好好教佢，尤其唔好指意老人家。」、「阿仔以前係點？真係要好好教一教佢，玩還玩，要諗下別人感受。而且要同嫲嫲道歉。」亦有人覺得小朋友有機會患有過度活躍症，建議港媽帶兒子去檢查。
