禮貌是一種美德。早前一位媽媽在巴士上教導小朋友要待人有禮，令巴士乘客大讚媽媽細心而且有家教。乘客在社交平台上發文，指乘坐巴士時見到一名小朋友扭計，想轉換位置就坐。乘客為了讓小朋友安靜坐車，因而主動提出調位，後來媽媽卻用了全程車教小朋友，有耐性的教導他何謂禮貌，獲乘客和一眾網民激讚。
更多文章：別讓新年大計淪為年度口號 兒童心理學家五招幫助孩子訂立新年目標
網民Vivian在「大埔TAI PO」發文，指今日（12日）早上乘搭71B巴士時，見到一位年輕的媽媽帶仔仔返學，但仔仔當時扭計想坐其他位，她懷疑男童想坐自己的位置，因而起身主動讓位給小朋友。然而，男童的媽媽用了全程車教小朋友：「你咁樣係冇禮貌㗎，一早上車就應該揀定個位」、「唔通有人坐，你想坐嗰陣就埋去撞開人哋？」
網民Vivian認為，一般家長或許只會讓小朋友換位，令他們不再扭計。但這位媽媽反而有耐心地希望能教好小朋友，而且因擔心會嘈到其他乘客，以低聲量教育小朋友。Vivian明言：「好想畀個like呢位媽媽，我相信你小朋友大個咗一定好有禮貌！」不少網民紛紛讚這位媽媽有家教，又認為「父母肯教係第一步，再身教係第二步，個小朋友受教係第三步，要行晒三步真係唔易，特別係第三步！」
