當在街上見到別人在講粗口時，家長會如何處理？日前有網民表示自己到一間連鎖米線餐廳食午飯時，與同事閒聊之間夾雜了一些粗口。坐在他們旁邊的港媽突然截斷他們的對話，因兒子「全部聽晒入耳」為由，希望他們不要再講粗口。此舉令該網民相當不滿，因此將事件放上網公審，又言「真係怪獸家長啲仔女就大晒。」不過，有網民認為事主沒有顧及環境，其舉動確是「教壞細路」。
更多文章：男友做地盤被同事嘲無見識做牛工 女教師反擊：會唔會太膚淺
事主在討論區上發文，指其日前與同事到米線餐廳食午飯，大家聊天時夾雜粗口。坐在他們旁邊的港媽走過去說：「唔好意思啊，打擾你一陣，可唔可以唔好講粗口，我個仔全部聽晒入耳啊。真係唔好意思，麻煩你。」事主表示「唔講以爲自己去咗高級餐廳」，認為自己無必要幫其他人教育小朋友，更批評該港媽母愛大過天、「怪獸家長啲仔女就大晒」，又揚言「香港已經沒落」。
不過，這番言論未有獲得所有網民的認同。有網民認為事主沒有考慮到公眾場合，「見到有小朋友就自動自覺停粗口啦，咁簡單嘅嘢都要人提？」、「人哋阿媽禮貌叫你收聲，自己仲唔知衰，隔離有小朋友都唔識收口！」事主卻反駁，「佢教仔大過天，睇得出教仔教到有啲神經質」，又言自己無必要幫人教育小朋友。
