從小到大父母都會教導子女「見人打招呼」是基本禮貌，但有男網民在分享自己遇到「太有禮貌」的小朋友而導致有不愉快的事件。網民分享在超市排隊付錢時，遇到一名手抱男童向自己「Say Hello」，起初他都友善回應，誰不知男童不停繼續打招呼，在半小時內再多次「Hello」。事主回應多次後感到煩厭就不作理睬，豈料離開時遭該男童父親斥責他無禮貌，火爆父親更有報復之嫌，特意駕車在事主車前急停，險些就釀成車禍。
有男網民在Facebook專頁「生仔要考牌系列」投稿，分享自己在母親節時於超市購物，排隊付款時剛巧遇到很長的人龍，排在前面的手抱男童跟他打招呼「say hello」，事主亦禮貌回應「hello」；但相隔5分鐘後，該男童再次向跟事主say hello，他又再次回應。
由於排隊的人龍真的太長，期間男童又再不停向事主「Say Hello」，令他開始感到煩厭，「等咗10分鐘都未行到去收銀個位，個小朋友又再同我say hello，我唯有低頭玩手機扮睇唔到，因為真係有啲煩」。可是男童見事主不再理睬竟變本加厲，「個小朋友見我唔理佢，佢又係咁講：hello, hello, hello」。
事主此時已不勝其擾，決定放手一搏大聲回覆「HELLO，小朋友！」以確保男童的家長和其他人都聽到他有回覆，並希望「佢唔使再同我打招呼」。事主坦言「雖然禮多人不怪，但不斷重覆講令人覺得真係好煩，所以我講完今次就專心玩手機唔再理佢」
但結果男童依然不罷休，5分鐘後又再次向事主「打招呼」，期間抱著男童的父親一直未有制止，「點知又隔多5分鐘後，佢又再say hello，我唯有帶埋耳機扮聽唔到。小朋友就係咁hello, hello, hello……hello咗30分鐘，但佢父母係完全無阻止或勸喻」。
事主最終只好啞忍到付款完成，正當趕緊離開現場之際，又在停車場碰上那對父子，男童見其離開，亦將hello改為bye-bye。身旁的父親更語氣尖刻道：「小朋友hello又唔應，講bye-bye都唔應，使唔使咁無禮貌啊！？」事主一聽即「眼都突埋」，自覺已多次回覆男童，惟對方像複讀機般不斷重複，心想「唔係個個都要覺得咁樣係可愛㗎，知唔知係好煩㗎啫，都冇出口話過佢哋半句」。
而令事主最氣憤的地方是該火爆父親竟然有疑似報復的行為，當該父親駕車離開時，故意「兜返個圈出嚟」，在事主行駛中的車前急停，幸好事主當時車速緩慢，才沒有釀成車禍。對於對方「逼車」的危險行為，事主狠批「小朋友嘅爸爸真無超級小學雞」、「真係好危險同好低EQ」、「車住個仔都仲做啲咁嘅嘢，係咪想害死自己個仔」，更奉勸該父親不要自我中心，應該為兒子安全著想。
帖文一出引起網民熱議，有網民分享對付招數，「預到呢類煩膠細路 我多數 一直怒啤佢 啤到佢驚」、「你應該不停Hello 返佢，Hello到個小朋友唔敢覆你為止」、「第二次就唔應該應佢，聽到都唔會回應，你一應咗，佢就會覺得好玩而不停咁再玩呢個遊戲，無限輪迴」。亦有不少網民替事主感到不值，直斥「最嬲嘅一點 ，係個老竇到，家長點樣做其實先係最影響人嘅重點」；「好恐怖的爸爸」、「個老豆以為自己係國王，生左個皇子出嚟，能夠得到皇子同你不停講hello 係你嘅榮幸！
「生仔要考牌系列」授權轉載。
