最近有冇發現有班廸士尼大軍進駐咗又一城？跟住我哋嚟睇真啲啦！就係佢哋喇！又一城頓時變成Disney Tsum Tsum主場，好熱鬧！
「Disney Tsum Tsum鐘樓」有成7米高，好巨型呀！晴晴拼埋去變得好渺小。
壽司就食得多喇！Disney Tsum Tsum卡通人物壽司你又食過未呀？「壽司嘉年華」好有動感！多款造型精美的Disney Tsum Tsum可愛壽司響巨型迴轉壽司輸送帶上面轉動，巧打意呀！
「劍球狂熱」區有好大座劍球呀！原來劍球係日本人喜愛嘅傳統玩具，放埋Disney Tsum Tsum卡通人物落去，好match，令到卡通人物更加活潑可愛。它亦都係一部好有動感的機動裝置嚟！睇住佢不停轉~不停轉~不停轉~ 幾過癮喎！
「交響樂搖滾劇場」內放置了色彩繽紛的鼓和巨型琴鍵，仲有巨型豎琴同大提琴添呀！音樂細胞突然上升，我哋文化咗好多呀！
參觀完四大動畫機動場景後，過去隔離嘅銷售專區睇下先。區內有好多嘢賣，包括文具用品、飾物、家居用品、旅行用品同服裝等等，留返最後先逐一同大家介紹啦！
銷售專區背後播放著卡通動畫，吸引咗一班小朋友坐定定咁睇，一定好吸引啦！
上到去G層見到以Hunny Popcorn為主題嘅影相區，過去睇下囉。爆谷造型列車上都有好多Disney Tsum Tsum卡通人物呀！
走入爆谷列車仲可以近距離見到三大主角添！仲有Elsa呀！大滿足！
隔離設有Disney Tsum Tsum街機，將手機game進化成為街機版，好玩呀！只需即場LIKE「Tsum Tsum Festival」同埋「Festival Walk又一城」Facebook Page，upload埋相片就可以玩一次喇！
「Disney Tsum Tsum TOMICA專區」設在UG層，紅色吊橋內展示咗最新嘅TOMICA系列模型，跟我嚟啦！
米奇形狀火車軌夠晒特別！如果可以帶晒番屋企就好lu~~
L2層設有DIY姓名貼紙機同貼紙相機，就嚟開學，整番張姓名貼紙用都好喎！只需要輸入姓名，然後按PRINT…
話咁快！一張靚靚Disney Tsum Tsum姓名貼紙就印好喇！
第一次同小朋友影貼紙相機，5歲以下小童要由成人陪同，影咗兩張相，跟住好快就見到張貼紙相出梗嚟喇！
臨走不忘去番LG2層嘅銷售專區繼續購物~
特別想介紹呢個背囊，因為我同佢一見鍾情。係DIY系列嚟㗎！有啲Disney Tsum Tsum襟章可以貼落背囊度，咁咪可以天天轉新款囉！
今個summer由7月16號至8月16號嚟又一城就可以見到Disney Tsum Tsum Walk N'Roll Festival各個Disney Tsum Tsum角色活潑可愛、生動鬼馬嘅一面，銷售專區會獨家發售過百款Disney Tsum Tsum限定商品，期間仲會不斷加入新商品添！如果係Disney Tsum Tsum迷嘅你，又點可以錯過呀？快啲嚟到又一城感受一下滾動狂歡嘅夏日啦！
Disney Tsum Tsum Walk N’ Roll Festival@又一城
日期：即日起至2016年8月16日
時間：上午10時至晚上10時
