早前帶昕昕行尖沙咀，打算影LCX的聖誕佈置「姆明谷大歷險」。發現Moomin Café已開業，可以即時入內進食，所以決定帶昕昕入去開心下！
沒想到在Cafe門口見到孕媽媽陳善揚，原來她也是入內品嚐Cafe美食。
Cafe旁邊有精品店，大家可以入內光顧。
一入到去當然搵BB座位俾昕昕坐啦！
當昕昕坐定定而我又點好餐之後，我就不斷換公仔同昕昕合照。沒想到公仔好大，而且都唔輕。
當然餐具和杯墊都是以姆明卡通為主。
今次我只是點了香港特有的PANCAKE和兒童餐
當昕昕打開信屋頂之後我才知道有三種不同的甜品，為食的昕昕用匙品嚐晒，而我只是跟昕昕兩個人一起食PANCAKE而已
相反昕昕唔係好肯食兒童餐，我食晒成個餐，特別係牛肉好似食牛腩咁，重點係夠軟熟，好好食！
另有其他款式的食物：
在離開前當然要影返幅相証明我都有份食啦！
Cafe內的牆身都有姆明的畫
餐牌的圖案，沒想到這裡的兒童餐有鮮奶飲，而且個杯的圖案非常吸引
今次埋單用咗$229，兒童餐$70，Pancake $138，另加一服務費，Cafe不設任何最低消費，只是用餐時間限制90分鐘或之內，感覺真係好開心，之前去觀塘一田熊本熊Cafe食物太咸，又設最低消費額，食物種類又不夠多。
Moomin Café值得推介給大家，現在剛剛正式開業，相信大家要努力排隊啦！
