一年一度「AIA友邦歐陸嘉年華2018/2019」向來都係一家人親子樂、同朋友慶祝節日或者情侶拍拖嘅好去處。今次我哋喺兩歲BB記者Enzo帶領之下，一齊探索吓今年有咩玩啦！
同踩高蹺哥哥影張相先！
必睇！「歐陸雜技團」演出
喺香港比較少機會睇到雜技團表演，今次真係大開眼界！Gandey「歐陸雜技團」演出項目包括《大力士》、《橡皮人》、《跳躍雲朵》、《倫敦舞團》同《宇宙雙輪》。
《大力士》用牙齒嘅力量拉郁一架車，睇到好緊張！
《宇宙雙輪》幾位哥哥同樣搵命搏，好多高難度動作睇到我哋目瞪口呆。
《橡皮人》呢個表演，個人覺得有啲驚驚。不過真係好厲害，好似識得縮骨功咁！
估唔到仲有邀請觀眾上台一齊表演嘅環節，「中獎人士」由靦腆到愈嚟愈放得開，笑到肚痛呀！
溫馨提示：BB 或者會睇到好肉緊。如果家長覺得有啲環節比較刺激，可以留意BB 狀態，睇吓係咪需要暫時分散佢嘅注意力。
必玩！多個攤位遊戲贏公仔
睇完表演之後當然要去攤位遊戲大殺四方！「快啲畀個波波我！」
「媽咪我一定得架！我碌！！！」
「睇吓～係大豐收啊！等我嚟Show畀大家睇今年有咩公仔啦～點解Toy Story嘅朋友圓碌碌嘅？」
「我同你哋差唔多咁高喎！」
「好鍾意隻Monkey啊～嘿嘿～♥」
「熊熊，你跟我返屋企晚晚攬住我瞓覺覺豬好唔好？」
「小飛象啊，你可唔可以孭我出去玩？」
「媽咪你睇吓我幾叻～嘻嘻～」
必影！聖誕雪地主題打卡位
「中場休息，媽咪話要幫我影應節靚相喎～好鍾意北極熊先生啊！」
「Hello！你凍唔凍呀？」
「你搵我唔到～～」
必玩！刺激充氣大滑梯
如果BB高過90cm的話，就可以參與機動遊戲！今年Enzo暫時就未玩得啦～充氣大滑梯特別受小朋友歡迎！
唔好睇少爬上去嘅運動量！
AIA 係一年一度盛事，家長都唔使擔心帶住BB冇嘢玩，實測佢都可以玩得好開心架！場內節慶氣氛濃厚，一家人一齊感受吓都唔錯～
AIA 友邦嘉年華2018/2019資訊
成人門票：HKD$130（包10個代幣）
兒童門票： HKD$90（包7個代幣）
Gandey「歐陸雜技團」資訊
舉辦日期：即日至2019年2月17日
門票：HKD$150-$400
週二至日每天開放2-4場
