「嘗試」

2020年1月25日大年初一，
你終於學識踩單車。終於，
因為之前其實教過你兩次，
根本你已經完全平衡到，
係爭在個膽。今日再試之前問你有冇信心，
你真係有信心咁答有，
然後一上車就話「啊好驚呀」。「眼望前，坐直，伸直手，keep住踩。」
扶你一兩次你已經踩到啦。

再教你自己起步，
呢個難少少，
試咗幾次都未得。

「你要信自己做到先得架」
「我可以做到嘅，我可以做到嘅！」
「1、2、3！」

得咗。

望住你踩住架單車周圍衝，
我又想喊，黐線。

／
由你第一下上車嘅反應，
我以為今日都係無功而還。
點知10分鐘唔夠你就搞掂咗。

萬物都有定時，
唔努力真係一定唔得，
只係努力咗都唔一定得。

之前我都係一樣咁教你，
只係時候未到，
我都冇得急。

盡力同平常心，
好似好矛盾咁，
但係如果搵得到兩者嘅平衡點，
嗰個狀態真係好奇妙。

凑仔，
真係學到好多嘢，
遇，多謝你：）