小朋友本來就充滿創意，但往往因為無得到適當嘅鼓勵，害怕失敗，而慢慢失去咗天馬行空的意念。deTour多年黎都有舉辦活動畀各地設計人才交流，今年仲推出咗首屆「deTour Nxt 2018」，專為6-18歲的中、小學生而設，透過師友計劃及創意工作坊形式，培育下一代嘅創作力，家長和小朋友都會明白，創意係要經過不斷嘅磨練，在創作過程的跌跌碰碰中獲得啟發。
計劃早前就深入校園，小學生就可以透過做勞作發揮佢哋無限嘅創意！例如由塗鴉創意間（birdintree creative studio）設計嘅工作坊，就同小朋友一齊觀察各款掃帚的顏色及結構，畫1:1嘅掃帚。工匠灣基金會（MakerBay Foundation）主辦嘅 「同學仔 做櫈仔」工作坊，就運用PVC管製作各式各樣具特別功能嘅櫈。
中學生會參加師友計劃，例如由產品設計導師STICKYLINE教授同學紙品工程及設計，創造出立體作品。其中一個工作坊由視覺傳意導師陳曦成教授書籍裝幀，畀同學知道做設計師要具備嘅條件。
deTour Nxt 2018嘅活動即將會開始！想參加嘅朋友仔記得留意，嚟緊11月30日至12月9日都會有對談 Sharing Session 同工作坊參加，免費入場架！
對談 Sharing Session 橫跨多個範疇，講者包括著名電台主持及星級媽咪朱薰 、Rainbow Tree Children Education創辦人崔惠婷、BLOW創辦人及設計總監羅曉騰等。佢哋將分享「Trial & Error」嘅經歷，無論大人小朋友都啱聽！創意工作坊包括「探索鐵線的無限可能 Drawing in Space」同「織織小竹帚」，帶領你嘅小朋友從「Trial & Error」中學習，啟發更多的創作思維！
有興趣嘅話可以去Click入黎睇詳情及登記
deTour Nxt 2018
日期：2018年11月30日至12月9日
時間：上午11時至晚上8時 (11月30日開放時間為上午11時至下午4時)
地點：中環鴨巴甸街35號PMQ元創方
