心心有一個好跑得嘅姨媽，都有一個好跑得嘅姑媽 (哈哈, 不過我同爸爸都唔跑得)。未出世之前，已經成日叫我地第時等心心大個帶佢去跑參加親子跑，我心諗行都唔知幾時可以啦。機會終於來啦! 由渣打馬拉松舉辦嘅family one可以比到0-100歲嘅人士參加，特別係比心心呢啲兩三歲嘅小朋友參加就最好啦！
正如好似渣打銀行政總裁禤惠儀喺記者會掀提到：
「跑步和適合一家大小的嘉年華」一家大細有老有嫩去玩，真係好開心!
今次活動同平時嘅渣打馬拉松好唔同，係畀family參加嘅叫做「渣打慈善家庭跑」仲設2公里同埋400米。
2公里組入面仲有九七壽星組啦: 係俾九七年出世嘅小朋友參加嘅(其實都唔係小朋友)，另外就有前世情人做啦，當然就係俾你同你既前世情人參加啦!
去到終點嘅時候更加要合家歡嘉年華，入面有Band show、水戰派對、影相嘅地方、集體打鼓啦。講咗咁耐係咪好想參加呢！
報名詳情：
「渣打慈善家庭跑」由5月22日開始於網上（www.putyourself.in/sc）接受報名，參加者無需支付任何報名費，每位6歲或以上之參加者只需捐款最少港幣200元，大會將不扣除成本全數捐予三個受惠機構及計劃，並會為善款進行配對，讓更多人受惠。截止報名日期為6月9日，名額有限，先到先得。
活動概覽：
日期 | 2017年7月23日（星期日） |
地點 | 九號及十號碼頭間空地 è 中西區海濱長廊(中環段) è 龍和道(東行) è 耀星街(南行) è 九號及十號碼頭間空地 è 中西區海濱長廊 (近文化廣場) |
主辦單位 | 渣打香港150 週年慈善基金 |
全力策動 | 渣打銀行（香港）有限公司 |
支持機構 | · 香港業餘田徑總會 · 香港青年藝術協會 |
受惠機構及計劃 | · 「看得見的希望」－奧比斯 · 香港殘疾人奧委會暨傷殘人士體育協會 · 香港防癌會 |
贊助機構 | · Brian Production LTD · Hellolulu · TULA LTD · 屈臣氏蒸餾水 |
怕多人參加唔到, 唔緊要, 在場更有嘉年華開畀公眾人士:
嘉年華詳情
時間 | 08:00 – 13:00 |
入場費用 | 免費開放予公眾人士 |
活動 | · 現場樂隊表演 · 水戰派對 · 草地家庭照拍攝 · 集體鼓樂 · 臉部彩繪 · 扭氣球 · 環保工作坊 · 多個有奬攤位遊戲 *更多嘉年華詳情，將於稍後公佈 |
