又有小朋友最愛嘅恐龍展！全港最大的氣球藝術展「恐龍世界大冒險」由2月20日起至3月31日，踩入九龍城廣場，而且屬龍嘅小朋友（2012年出生）仲免費入場添！各位小小恐龍迷萬勿錯過！
3米高巨型恐龍
展覽由勇奪兩屆世界氣球冠軍嘅汽球魔術師 Wilson Pang聯同20個本土氣球設計師一齊操刀，用咗8萬個環保氣球，將暴龍、棘龍、翼龍等恐龍栩栩如生咁呈現出嚟！
佔地15,000呎嘅場館內，合共有11個唔同造型嘅恐龍展區，每隻恐龍都顏色鮮艷而且造型可愛，而其中最矚目嘅一定係3米高嘅巨型恐龍，小朋友一定愛不釋手唔願走！
入場可獲恐龍橡皮擦
每位入場人士均可獲贈恐龍橡皮擦乙份，星期六、日特別場次仲有魔術小丑表演同埋親子氣球教室，名額為20對親子，以排隊方式先到先得，大家記得留意時間喇！
「恐龍世界大冒險」詳情
日期︰2月20日至3月31日
時間︰12nn - 8pm（星期一至五）、11am - 9pm（星期六、日）
地點︰九龍城廣場 B2 層
門票︰成人$60、小童$40（2012年出生、屬龍的小朋友免費入場）
註︰售票處設於商場 地下 B1 層「冒隊樂園」側
～星期六、日特別場～
3pm-4pm 魔術小丑表演（每段表演時間為30分鐘）
4pm-5pm 親子氣球教室（名額為20對親⼦，以排隊⽅式先到先得）
