早喺幾個月前，知道「大館」正式對外向公眾開放俾遊客參觀，我就已經好想嚟啦!
因為我真係好鍾意探索香港嘅歷史，以前香港由英國統治，所以舊嘅建築物都有一種西方味道。
而「大館」係昔日警務人員和公眾對前警察總部以至整個建築群嘅簡稱。
「大館」超多影相靚位!!
今次趁住聖誕假期，我哋終於有時間嚟朝聖啦~
除咗探索歷史，最吸引我要嚟大館仲有另一個原因!!
聖誕期間，仲有Cartier嘅聖誕樹
就係「關公駕到」，講起「關公」點解我會咁有興趣??
原因係因為我超鍾意玩「三國無雙」呢隻遊戲，所以我咁大興趣。
展覽日期：2018年10月19日至2019年1月27日
展覽時間：11am - 8pm
展覽地點：大館01座 複式展室
展館係複式嘅，分為兩層。
關公手持嘅青龍偃月刀。
仲有關公隻赤兔馬(Q版)
關公精神又係乜呢? 就係「忠」、「義」、「仁」、「勇」
你仲可以整返個立體關公紙擺設，同埋投票。
關公嘅形象非常鮮明，仲好易認。
遊客可以利用台上嘅三組印章，輕易製作好你嘅關公畫像。
「關公」VS「外星人」，你覺得邊個會贏?
上一層繼續「關公」嘅展覽。
呢到有數個「關公」像，全部都唔同動作，但每個像都一樣好霸氣!
嚟到「關公駕到」嘅展覽，最重要就係嚟抽閃卡!!
任務差少少達成，一套有六張，我只集齊咗4張!!!
如果無$1都唔緊要，旁邊有個職員可以同你唱錢~
拜拜「關公」，拜「關公」到底係點樣犁你又知唔知?
仲有一系列同「關公」有關嘅問與答。
餘下部份就簡單介紹一下大館啦~
大館嘅所有資料同埋展品，都當然係同警察有關啦。
咁你又符合資格做警察未呀? 小朋友，你未夠高喎。
「大館」每一個角落都充滿歷史味道，超鍾意每個角落。
因為每個角落都可以影到靚相。
去到大館一定要參觀「監獄」部份啦!!
燈光暗一啲，每個「監倉」都係得幾十呎，一道鐵閘同埋一個好高好高嘅窗。
監獄操場，活化之後充滿生氣。
開始隨影，狂影，模特兒四圍跑~
仲興奮到瞓身影~哈~
紅磚牆再配上高高嘅圓栱門，呢到真係好靚呀!!
從中環港鐵站步行去「大館」，會途經石板街。
和牛B懂事之後，佢第一次踏足此地。
佢非常開心，仲不停話要坐低喺地下影，一齊坐低影。
佢話呢到係「BB樓梯街」~
仲見到著咗靚衫嘅欄杆
【大館 @ 中環】
地址：香港中環荷李活道10號 (中環港鐵站D1出口)
大館供公眾使用的出入口共五處，與荷李活道、蘭桂坊及蘇豪區緊密相連。
-紫荊樓閘 (*無障礙通道)
-藍閘
-行人天橋閘
-奧卑利閘
-砵典乍閘
開放時間：
大館：上午10點至晚上11點
訪客中心：上午10點至晚上8點
展覽場地開放時間 12 座 B 倉：上午11點至晚上6點
賽馬會藝方 大館當代美術館：上午11點至晚上7點 （逢星期五開放至晚上9點）*
01 座 複式展室／17 座 F 倉展室／03 座 營房大樓／14 座 D 倉：上午11點至晚上8點
免費入場
其實當日去到，見到去大館係可以walk in嘅。咁到底網上登記入場證(QR Code)又有乜用??
我問咗工作人員，原來如果參觀當日人流眾多的話，佢哋會以「已於預先網上登記」入場人士作優先進入大館。所以，預先網上登記入場證都係買個安心，做多無壞嘅。
【網上登記】
--------------------------------------------------
