今次第一次帶和牛B搭飛機去日本沖繩，三個家庭行程係7日6夜。航班比原定時間Delay咗一個鐘頭，所以行程有點打亂了。落機後，我哋馬上去租車公司辦理攞車手續，完成手續大概下午2時多，就馬上出發第一個行程「醫肚」。
TomiTon 商場有多間大型購物店 (鞋舖、運動用品專門店、DAISO、超市)，至於食店都有好幾間，有AW快餐店、烏冬店、そば (蕎麥麵) 店都有好多間。仲有一間精品店專賣New Born慶生嘅禮物，尿片蛋糕，價錢一啲都唔貴，幾百円就有一份實用又有心思嘅禮物。
我哋揀了はなまるうどん(讃岐烏冬)，我點咗一個Set (約¥580)，有咖哩飯及烏冬，我可以用同和牛B Share；而老公就揀咗一個M Size嘅牛肉烏冬 (約¥550)，另外再加了天婦羅炸物。
商場中央部份有好多餐檯供客人使用，最中央部份更是小朋友嘅樂土，遊樂設施玩樂組。
仲有BB櫈提供，超級窩心。
進入遊戲區前，記得除鞋呀。
建設得比較高的木製玩樂設施，年幼嘅和牛B都需要協助先可以攀上去遊玩。
設有一條橙色的滑梯，另有兩組紅色嘅爬梯。和牛B第一次爬就學識了，學習了爬梯嘅技巧及姿勢，可以訓練手腳肌肉。
除咗餐廳，仲有一間Coffee Shop，有種令人響往嘅日本太太生活，一邊嘆咖啡，一邊看著子女在旁邊的遊樂設施玩。
除了兒童遊樂設施，旁邊亦有電動遊戲車，不過當日兩架車都待修。不過小朋友都好少理，依然玩得開心。
好多扭蛋機!!! 日本真係好邪惡，就連食店都設有大量扭蛋機!!!
食飽過後，到了對面嘅「ASHIBINAA」Outlet Mall (沖縄アウトレットモールあしびなー) 閒逛，而我重點介紹的就是森林家族專門店！
見到門面已經興奮到要尖叫～門面裝飾已轉換成Halloween的造型，超可愛嘅朱古力兔姐姐著上萬聖節小魔女裝， 旁途仲有細小小嘅朱古力兔扮小鬼，超級可愛呀！
裡面有好多貨款，有啲精品香港亦冇得買。
而香港有賣嘅貨，仲平過香港添呀！森林家族Fans真係會「打爆個喼」返香港！
不定期都會有優惠，比香港更平！而店入面有一個好窩心嘅兒童遊樂區，有兩間森林家族小屋同埋配件、公仔俾小朋友玩。
*進入遊戲區前，記得先除鞋。
呢間大屋真係超心動～¥10,999 (約HKD770) 我記得香港冇見過呢間屋。
店入面亦都有兩隻著上萬聖節服飾嘅朱古力兔，和牛B超級開心！因為可以近距離同佢哋影相。
睇完森林家族，已經黃昏了。Outlet入面有好架美食車，雖然只係一個賣嘢食嘅Van仔，但係唔知點解係日本嘅都得別靚！因為佢哋做嘅設計、裝飾都非常細緻。
有熟食、有透心涼嘅刨冰！
第一日嘅行程，我嘅戰利品唔算好多，買咗呢個蕃茄樹屋俾和牛B。
一班朋友去旅行，其實真係好開心好快樂！同齡嘅佢哋，各自有唔同嘅性格，都係活潑健康同可愛，所以太活潑啦，想有一張似樣嘅三人合照都真係好難～
晚晚都開Party嘅感覺，真係好開心！
重點：
沖繩好多地方都係提供免費（無料）嘅泊車服務，同香港好唔同。所以慳咗唔少泊車嘅錢，而且普遍都有好多車位。
TomiTon - Toyosaki Lifestyle Center
〒901-0225 沖縄県豊見城市豊崎1-411
TEL：098-995-8595
ASHIBINAA Outlet Mall
〒901-0225 沖縄県豊見城市豊崎1-188
TEL:098-891-6000
ASHIBINAA - Sylvanian Families
〒901-0225 沖縄県豊見城市豊崎1-188 (Shop no.2580)
Tel：098-987-0545
營業時間：10am - 8pm
～【沖繩親子自駕遊】待續～
