今日趁住嶠爸放假，我地一家去左位於港鐵「石門站」京瑞廣場1期嘅親子主題餐廳《KidsKiss Kingdom》。嶠媽想講，簡直係小朋友嘅天地。
到門口，已經好多人係到排緊隊了！
職員在我們預約時，已幫我們分好號碼，然後我們到達時，職員會跟返編好左嘅號碼，搵返相對嘅手帶，再幫我地戴上。
頭15分鐘，活動區都會暫停開放，餐廳都希望我地先用餐，所以我地都食飽飽先。睇下我地叫左咩先！
「特濃芝士燴嫩雞飯」個汁冇得頂，雞真係好嫩嘅。
「焗豬扒包飯」塊豬扒真係好好食。
「芒橙杏仁冰」嶠媽本身對杏仁冇咩興趣，但哩杯飲品令我對杏仁改變左睇法，真係要大叫一聲好好飲。
活動區分左認知發展區 及 實景互動區。認知發展區：有親親寶寶區、巨型蠟筆畫廊、原木火車玩具；實景互動區：有迷你市集、得意小農場、賽車道。由細小嘅小朋友，到大小朋友，都一定有野啱玩，照顧到好似嶠媽咁有兩位唔同年齡嘅小朋友。
《親親寶寶區》適合好似劻霖咁細個未識行嘅小朋友玩，鐘意周圍爬都冇問題！
《巨型蠟筆畫廊》有好多隻顏色嘅 Crayola 蠟筆比小朋友選，仲有好多款嘅圖畫比小朋友選來填色！好適合鐘意靜態活動嘅小朋友！
《原木火車玩具》有埋橋，又有火車路軌，好靚呀！男仔、女仔都啱玩。
《迷你市集》小朋友可以推車買餸，之後亦可化身小小收銀員，都真係好好嘅體驗！芊嶠對此收銀機愛不釋手！
《得意小農場》像真度整高，小朋友可以幫忙係農場收割，再拎去買又得！
《賽車道》有好 classic 嘅車車比小朋友一展身手，做個小車手。
《彩色繩網》之前係 IFC 到見過，但未有機會玩，今日來到又點可以錯過！我認我一落去個下，我真係有啲驚嘅！
《波波池》大繩網下有個大波波池，冇諗過哩幾隻顏色嘅波波襯埋，比人嘅感覺又幾舒服！仲要係透明玻璃窗，出面啲光射入來都好舒服！
《汽球飄浮區》哩到不得了，入到去，啲汽球都係到飄浮緊，小朋友輕輕一推，汽球就會飛高，芊嶠都玩到好開心！
《透明長滑梯》當然唔會少得滑梯啦！哩條滑梯透明架，又長，我就冇瀡啦！芊嶠瀡完就表示好驚囉！
《波波池滑梯》哩條藍色短滑梯，係連住波波池架！瀡落黎就係波波池，正呀！
========================
～入場費 (試業優惠)～
1）身高 125cm 以上：HK$150 (已包括餐廳最低消費，即是係餐廳叫返$150以上嘅食物就ok)
2）身高 75cm – 125cm：HK$78 (不包括餐廳最低消費)
3）身高 75cm 以下：免費 (不包括餐廳最低消費)
========================
～開放時段～
1）11:00 – 14:00
2）14:30 – 17:30
3）18:00 – 21:00
========================
KidsKiss Kingdom 主題餐廳
地址：沙田石門安群街1號京瑞廣場一期1樓162室(港鐵石門站 C出口)
查詢/訂座電話：2882 2779
Whatsapp訂座：9699 2779
網址：http://kidskiss.com
