荃灣宜家返嚟喇！
認識你既時候係小學，
住喺屯門既我
出城係一件大事
每年，除左出城探親外，都總有一次有機會出城，就是每年新年前的大減價
之後，你突然說要離開
我也沒有大感覺
兜兜轉轉，你終於返嚟喇！
要學一間舖實在不易，辛苦宜家的每一位!
去到八米半商場門口，有一種感動，因為喺屯門出嚟，只要一程車就到門口喇！
呢間IKEA同世界各地既IKEA好唔同, 皆因佢有4層，3樓係top 5 受歡迎既room setting, 5樓就係家飾部、6樓係傢俬部，而7樓就係最愛既餐廳同波波池!
一去到，即時殺到波波池！
呢一片smaland並不small! 可惜心心未夠90cm，只可以睇下啦，不過喺滿口見到哥哥姐姐玩都已經好開心喇！入去仲會探熱添! 真係見到有發燒小朋心唔俾入去啊!
*提提朋友仔，如果想玩一早嚟左攞籌先，唔駛等咁耐啊！
真正親子餐廳
可以俾你一路食睇佢一路玩，又唔怕俾人捉走，而且仲有抵到爛既兒童餐！唔知係咪只有荃灣店先有呢？餐廳既PLAY TOWER可以俾你一路食一路玩
highchair 同兒童餐具就一定唔少得啦!
舖入面仲加左大大少少既playtower俾小朋友玩，真係大人買得安心，小朋友又玩得開心，有咩開心得過你放電時我shopping!
仲有就係要提下呢隻限量豬，只有荃灣IKEA先有售架咋，賣哂就無架喇!f683e29b-356e-4ada-a797-41411e280af5
心媽最愛就係shopping啦, 大大少少既roomsetting都有好多靚野睇!
而心姐都大愛shopping!
最愛去children ikea 到玩佢既玩具
去片望下啦!
心媽到訪荃灣宜家小貼士
1. 正式開業日期係10月11，記得，唔好早去啊
2. 八咪半商場仲有好多好野食
3. 車位好有限，可以泊愉景或者地鐵
小恩子的港女生活簡介:
由全職工作轉為全職母親，愛煮、愛食、愛減肥、愛帶心姐四圍去找新鮮事，每天生存都是為家庭，想與我一起分享家事! 多點到訪吧!
