計劃去staycation，想有度假feel，但又想交通方便，一間高質既套房 絕對可以令住宿體驗level up很多!
就像早前我們一家於Hotel Icon入住的Club 65套房，小火子一入房就話“發達啦!”因為房間超大仲有兒童帳蓬! 絕對是可以歸納為總要豪一次既房型。
超豪華套房
不過經KKday預訂繽紛家庭住宿優惠，已包Club 65套房連早餐＋HK$1300餐飲消費額，平日都係3000幾蚊，套房又有免費迷你吧，提供橙汁及汽水等飲品，變相又抵左!
今次入住的是位於19樓的Club 65套房，套房劃分為snack bar及工作間，有超舒服梳化的大廳，窗邊有玻璃桌同貴妃椅，空間超大，小孩在房間已經可以放電。
睡房超大既床旁邊仲有兒童帳蓬同mini兒童睡床，媽媽見到都心心眼。
更多文章：【親子好去處】夏日放電@天水圍綠田園 在農場玩勻海陸刺激遊戲！
睡房同客廳都有大電視，客廳既電視更有Apple TV，其中kids station仲有一個頻道係Minecraft，小火子好似發現寶藏咁呀!
套房設有兩個洗手間，而king size浴缸絕對夠家長與孩子一齊浸。開心大發現就是原來浴缸旁也有電視，邊浸邊看喜歡的節目，雙倍relax呢~
美中不足就係房間景觀雖然可以望海，但日間就會望到旁邊大廈既天台，但夜晚維港兩岸既大廈亮燈後，景色就會靚好多啦，食住cake欣賞夜景，so chill～
房間的配置也令人有驚喜，除了有浴鹽，body lotion外，風筒是dyson的，而緩降的廁所板可以減低噪音也是加分位。
小童尊屬用品
今次呢個家庭plan, 都幾重視小朋友。 房內放置了顏料與面具; 兒童帳蓬內又準備了小童拖鞋，浴袍，玩具，太陽眼鏡及小熊公仔， 而浴室也有小童坐廁板和膠凳。 小朋友開心之餘，作為家長覺得這些安排都蠻貼心。
Welcome cake 及 免費迷你吧
進入房間便看到桌上的welcome cake, 而迷你吧的小食，咖啡與雪櫃內的飲品都是免費的，晚上玩board game或看電視時享用就最適合了。
更多文章：【親子好去處】西貢獨木舟初體驗 乘風破浪 完成不可能任務！
具氣派又實用的工作間
工作桌旁有很多充電位，printer，文具也有提供，日里萬機的爸爸在孩子休息後想找一個工作間也絕對沒有問題。
Timeless Lounge及室外池畔平台
位於酒店9/F既Timeless Lounge 有PlayStation 4電子遊戲機、桌球及足球機、每張桌上亦有不同既桌遊。
雖然每間酒店而家大都設有遊戲室，不過Timeless Lounge樓底高而且落地玻璃採光良好，感覺更加悠閒。
不過留意番遊戲機只得一部，玩唔玩到就要睇運氣啦。不過其實玩完房間又游水，再食野，應該無時間打機~
室外游泳池唔算大，但景觀開揚，在池邊放空一下都唔錯，趁無人，盡情影下相先。
要讚一讚Timeless Lounge的員工很貼心，游水時主動向我們提供口罩套放口罩及幫小火子的水泡充氣。在lounge遊玩時，也有耐性地教小火子玩電動彈珠機，讚一個！
包餐飲優惠券港幣 $1300及自助早餐
去玩當然想食好啲！ Package連dinning credit ，我哋就選擇左大堂既西餐廳green, 最好預先訂位啊！我們點了兩份晚市套餐，加一份兒童餐，房客於酒店餐廳內消費享85折，埋單$1200幾，budget剛好。
Hotel Icon既餐飲一向出色，green的食物也很有水準，龍蝦湯香濃而且有啖啖龍蝦肉，主菜牛柳配龍蝦也沒有讓人失望，小火子超愛這個牛柳，吃完一口又一口。
更多文章：【親子好去處】大嶼山Camping初體驗 玩盡日營燒烤玩水打卡
Hotel icon既buffet口碑一向好好，隨package附送的breakfast buffet食物選擇超多，沙律及水果夠新鮮，熱食也有很多選擇，煙肉腸仔及蕃茄等就岩哂小朋友。
繽紛家庭住宿優惠
-入住Club 65套房一晚^（只限兩位成人及最多兩位小童入住#）
-自助早餐（只限兩位成人及最多兩位小童#）（根據酒店實際情況，早餐或許會於Silverbox宴會廳內供應）
-餐飲優惠券港幣 1300元* 以每房每晚計算 (入住日起3個月內有效，適用於酒店所有餐廳及客房內用餐)
-套房內設置特色兒童帳幕（視乎供應而定）
-入住期間可享用一套小童尊屬用品，包括浴袍、拖鞋、洗漱用品、小童坐廁板和玩具
-套房內設免費迷你吧，包括指定零食、汽水和酒精飲品
-免費使用9樓的Timeless Lounge及室外池畔平台，如PlayStation 4電子遊戲機、-PlayStation VR、桌球及足球機
暑假酒店第一擊已經超滿足! 之後有好玩的再與大家分享!
謝謝收看，如果喜歡貓町媽媽的文章或想觀看更多親子玩樂情報，歡迎到訪貓町媽媽的Facebook專頁: <貓町媽媽 親子 玩樂 扮靚日誌>
加我IG: catdingmama
