我鍾意發掘唔同嘅玩樂景點，不過有時都會問下小火子意見嘅。
我：「想去邊度玩啊？」
小火子: 「去農場，要有得餵動物既。」
農場+動物，難唔到我嘅！一於去收藏左喺口袋清單好耐嘅 #開心花園農莊 啦。
更多文章：親親大自然！久違了的清新地 玩半天剛剛好
開心花園農莊係一個BBQ場，不過唔燒嘢食都可以比 #入場費 去玩，這樣的安排蠻不錯，因為整天跟着小孩跑，根本就唔會有機會食嘢啊~
更多文章：【本地親子遊】大潭水塘低難度親子郊遊路線
彈床一個收費任跳
彈床區域有三組彈床，其中兩組有又長又刺激的滑梯，海洋生物與海盜船造型都十分吸晴，而有一組細彈床則較適合年幼的小童。
有三組彈床任跳，唔使排隊同計時，係玩得幾爽㗎~
不過彈床經日曬雨淋，唔算新淨，但小朋友跳得盡情就夠啦。
更多文章：輕郊遊路線推介！漫遊大埔三門仔
親親小動物
動物區域雖然比較細，不過有羊咩，龜，豬仔，大人小朋友都已經夠雀躍，我覺得d豬仔仲好得意添。入口處更有店主飼養的貓咪，貓BB超級可愛，小火子忍不住探訪了很多次呢。
更多文章：南生圍的親子時光 讓孩子親身接觸百變生態
遊樂設施分布不同區域
整個場地有很多不同的遊樂設施，滑梯，千秋，攀爬設施等都有，而且最讚的是各樣設施都不只一組，所以基本上也不用排隊。
不過部份設施也比較陳舊或有破損，如車場的單車及滑板車，大部分也不能正常使用，這點需要改善囉！
而打卡位亦比預期中少，影相位主要就是彩色木屋，不過遊樂設施都色彩繽紛，拍出來的照片其實都已很美。
沒有BBQ，純玩來說，我們在這裏待了大概3小時，給大家參考一下，小火子玩得十分盡興，想給小孩放電的，可以考慮囉！當然非常時期一定要做好防疫措施，或先把它放入口袋清單吧！
開心花園農莊
地址: 元朗大棠山道24號
google map: https://bit.ly/2KacyFI
基本收費:
入場費$35（大小同價）
彈床全日任玩 $70 （小朋友才要付費，大人可陪同年幼小童進入彈床）
動物飼料（草餵羊咩，菜餵豬仔同烏龜）
場地提供免費泊車位，先到先得
買埋嘢飲，玩左大半日，兩大一細花費大概只係$200，抵玩啊！
謝謝收看，如果喜歡貓町媽媽的文章或想觀看更多親子玩樂情報，歡迎到訪貓町媽媽的Facebook專頁：貓町媽媽 親子 玩樂 扮靚日誌; 加我IG: @catdingmama
