多次去過黃金海岸！想起上一次在黃金海岸酒店玩已經是6年前了，當時Hysan只得不足一歲，今天再過來已經帶同芊芊前往，得知去年12月新增設主題客房，而且還新開設了以鯊魚為主題的室內遊戲室，所以我們就到來這個全新開幕的「鯊魚冒險島遊樂場」玩整個下晝。
就連換鞋區都設計得特別靚！
我最印象深刻的是入口的一小段路，用了投射裝置將海底影像射在地上，佢係一條Animation，真係見到D小金魚喺度游來游去！以鯊魚為題的Playhouse唔多，相信除咗恐龍之外，鯊魚就係小朋友另一至愛 。
場內設計到好似海底一樣，小朋友一入去就經已好開心周圍跑，裡面有個好大嘅海盗船同鯊魚造型的裝置。
這透明瀡滑梯好刺激，當BB年紀還少，他們沒勇氣玩，這個透明位置可以讓媽媽放心看顧滑梯內的情況。
另外還有攀石牆，小朋友玩時必須小心，卻不是怕他們跌痛，而是怕他們壓到其他小朋友，哈～
彈床就是妹妹的第二最愛~(打韆鞦第一!)，屋企床鋪快被他們玩爛！「唔該你在這裡盡量跳。」
玩到差不多的時候，我們就去參加手工藝工作坊，主題房間有包，當然Walkin或者普通房間住客也可參加，不過就會係做其他手作。
至於電車主題房間的我們會做兩件小手作，一件係木製電車模型，另一個係設計環保袋 。兩個都好有耐性跟姐姐一個一個步驟地完成，估唔到雞手鴨腳的芊芊，人仔細細都可以不用媽咪幫手，自己砌好架木電車！我們稱讚她時還「陰陰咀」地偷笑。
芊芊畫完就急急腳再跑番去玩，無限次瀡滑梯同跳彈床，因為現在時間是六點多，大家都去食Buffet，我們就似包場！之後哥哥完成了手作再加入，剛好遇上另外一家人，哥哥同芊芊都有個對手一齊玩捉迷藏！真係玩到癲哂…
呀劍評分: 10分
呀劍評語: 同一般Playhouse唔同，以鯊魚及海盜為主題，地方很大又唔多人(因為在場朋友多為酒店住客) 而且新開幕還很乾淨，而且又有手藝工作坊，喪玩完之後又可以文靜地做吓手工! 真係真心推介
鯊魚冒險島遊樂場 簡介
全情投入無盡海洋，走進海底世界的懷抱。在接待處鯊魚先生的帶領下，你可以走進互動的海底投影，透過動作引出栩栩如生的海洋生物。好靜的小朋友可選擇在海盜作主題的手工藝閣內製作自己的作品，而身手敏捷的小朋友則可挑戰室內攀牆。鯊魚形狀的障礙園區和配備小型吊橋、舷窗和攀爬設施的海盜船極具真實感，再加上適合舉辦生日派對的貴賓房，整個樂園叫小朋友們流連忘返。
地址
屯門青山公路青山灣段 1 號
鯊魚冒險島遊樂場地址
屯門青山公路青山灣段 1 號
開放時間
10am至10pm(每節50分鐘)
收費
酒店住客: HK$100 / 50分鐘
非酒店住客: HK$150 / 50分鐘
* 以上收費為一位成人及一位小童
* 凡預訂於「酒店優惠」網頁內所列出的住宿計劃，可免費暢玩乙節
內設特色主題手工藝工作坊(每節50分鐘)
收費：酒店住客$100/ 非酒店住客$120
*訂購主題客房住宿計劃可享有該主題特設的手工藝工作坊
*詳情請參閱主題客房計劃內容或遊覽以下網址:
使用設施前，需向職員預先登記
電話
2452 8888
網址
https://www.sino-hotels.com/hk/gold-coast/
