一間適合親子玩樂嘅酒店，點可以冇playhouse呀？華納滿Fun童樂園究竟有幾FUN？一齊嚟睇下啦！
仲有10分鐘先開門，我哋做定登記先啦！
搭正10:00，入得去喇！衝呀！第一樣玩嘅係「反斗彈彈樂」，晴晴同我樂於做觀眾，晴朗爸爸同朗朗，are you READY?
跳呀！彈呀！間中有幾下離心力都好強㗎！睇下佢哋玩到幾咁high？XD
跟住試下「DC反斗戰車」先，在彎彎曲曲嘅道路上行駛，呢個摸擬駕駛對於玩過電動車仔嘅小朋友嚟講冇難度啦！好快就玩完一round lu~
嘩！好黑呀！我哋進入咗「華納極速迴旋」區域，好似上咗太空咁呀！登上宇宙飛船，戴上3D眼鏡，準備一齊對抗壞蛋，拯救銀河系喇！
描準目標，射呀！
跟住嚟到「登峰奇兵」，考考小朋友嘅攀爬技巧同膽量。朗朗失敗咗兩次後，終於按到個藍色掣喇！yeah!!!
越戰越勇，再向難度挑戰！加油！
跟住就試下玩「超能英雄電玩」先~ 企響指定位置，電腦會按你嘅動作接收訊號，好似置身於場景內咁，好真實！
如果小朋友年紀較細，可以去「貓鼠鬥智樂園」玩，裡面仲有波波池添！
每個入到嚟「DC英雄訓練場」嘅小英雄都要透過攀爬、玩滑梯訓練身手，真係障礙重重呀！
無輪障礙物有多大，我哋都一一衝破~
入到去呢條滑梯我都唔知轉咗幾多個圈，總之「雪」一聲就轉咗落嚟啦！好玩呀！XD
個場響「DC反斗戰車」上面，玩到攰可以坐響度觀賞小朋友嘅駕駛技術。其實訓練場高度都ok矮，大人可能要烏低身跟住小朋友走，跟跟下我都係坐低休息下喇！@@'''
嘩！波波池呀！
玩完呢度，我哋都訓練得一身好功夫喇！
適逢父親節，晴朗正努力為爸爸炮製父親節禮物。除咗在咭上填色設計外，仲有張即影即有嘅相片。嘩！仲唔冧到爸爸暈得一陣陣~~~
小朋友人有三急，發現洗手間設有兩格小童廁所，好貼心！
原來上面仲有幾層，不如搭lift上去參觀下囉！5樓係Cartoon Club，兩旁有畫板比小朋友填色同畫畫，仲有英雄電玩玩，又可以打機喇！
6樓係party room，好有太空feel呀！唔知嚟開party嘅小朋友駛唔駛穿上太空衣呢？XD
我哋落番嚟一出lift，見到湯姆貓呀！
仲有翠兒添！好鍾意呢張同翠兒嘅全家幅呀！
離開嘅時候巧遇Jerry老鼠，職員仲送咗湯姆貓貼紙比我哋，好開心！
場內有啲遊樂設施有高度限制，最小都要達90cm，想帶小朋友嚟玩就要留意喇！
仲要留意埋華納明星嘅出現時間，咁就可以把握機會同佢哋影相啦！
想睇下我哋嘅玩樂情況，就去片啦！
華納滿Fun童樂園雖然地方細細，但五臟俱全，兩小時嘅玩樂時間夠晒玩啦！我覺得「華納極速迴旋」同廸士尼嘅巴斯光年好相似，不過巴斯就係射實物，而呢度係射唔同場景，仲會唔知幾時攝咗你個樣同計埋分數添！好好笑、好好玩！
響「登峰奇兵」度失敗咗兩次，仲以為朗朗會因此而放棄。估唔到佢會繼續努力嘗試，仲成功咗添！好戥佢開心！呢度唔只玩樂咁簡單，仲可以鍛鍊小朋友嘅鬥志同毅力，真係大人同小朋友嘅親子玩樂好地方呀！
我哋嚟之前響新濠影滙網站玩刮刮咭中咗8折入場優惠，如果大家有興趣都可以去玩下，話唔定你都中獎，咪可以優惠價入場囉！
"8"在影滙勁獎刮刮卡：http://goo.gl/raIC5A
華納滿Fun童樂園
地址：澳門路氹連貫公路新濠影匯3樓
開放時間：上午10時至晚上7時
入場費：$200/1大1小 (2小時)
網址：華納滿Fun童樂園
相關閱讀：
