【觀瀾湖親子之旅】兩日一夜玩什麼 PART 2 - 超大遊樂場+射箭哥爾夫球

我地第二日嘅觀瀾湖親子之旅主要就係去戶外玩，我地會去生態體育園玩同埋初哥去玩哥爾夫球，又嚟一個豐富放電嘅活動呀~

 

 

食飽飽之後就可以出發去玩啦~

我地較啱時間，就可以去搭穿梭巴士去玩，大約十五分鐘車程左右，就嚟到我地早上嘅重點活動地方，就係觀瀾湖生態體育園啦~

其實之前都上網睇過介紹 ，依個 生態體育園係 深圳唯一大型嘅綜合主題公園 ，多嘢玩之外 地方仲好大 ，今次小小豬實有排玩啦 ~

未去玩之前就先文靜一下 ，帶小小豬去 動植物園睇下動物先，場內有羊仔、兔仔、雀鳥 、倉鼠 同孔雀 ~

其實慢慢睇都可以睇好耐，不過小小豬個心已經去左玩嗰方面 ，所以佢快閃地睇左一轉動物之後就話要睇夠玩其他嘢 ( 想玩咩就 …大家都應該估到啦 … 哈哈哈) ~

正當我地行去玩機動遊戲時 ，我地沿路見到好多 櫻花樹 ，原來依個時候正值 觀瀾湖嘅 櫻花節 ，開滿左好多靚靚櫻花呀 ~

啲櫻花真係好靚 ，忍唔住要停低慢慢睇 ，仲 影左好多靚相呀 ~

心急豬又點會有心情陪我慢慢睇花 ，所以之後我地係小小豬嘅天下 ，因為我地 去玩遊戲啦 ！ 我地嘅住宿套餐係包場內各玩一次遊樂設施 ~

其實佢嘅遊樂設施都有好多 ， 海盜船、太空漫步、摩天輪 、 過山車 都係我地想玩嘅遊戲 。不過剛好今日係假日 ，又撞到 櫻花節 ，所以場內遊人都係非常多 ，我地估計每一個遊戲都應該要排半小時以上 ，但我地時間又唔多 ，所以經過商量之後 ，擁有放棄玩機動遊戲啦 ~

雖然冇得玩機動 遊戲係有丁點失望 ，不過場內都仲有好多唔同遊戲 ，小小豬話咁快就又衝去玩啦 ~

唔知係咪尋日玩電子釣魚太開心 ，小小豬今日見到真釣魚又好想玩 ，最後兩父子就開開心心入去 釣魚啦 ~

玩完釣魚仲可以帶戰利品返屋企 ，不過我地又唔可以帶返香港 ，所以就享受過程啦 ~

之後小小豬就去左玩 手搖船 ，其實佢係香港都玩過無數次 ，不過佢話今次個湖大好多 ，好玩好多呀 ~

終於嚟到小小豬超級大放電嘅地方 ，就係依個 玩極唔厭嘅兒童遊樂場 。 小小豬一見到對眼就好似發光 ，雙腳仲開摩打咁跑入去玩啦 ~

其實唔止小小豬 ，我地兩個大人都異口同聲大讚依個 遊樂場，如果香港都有同類嘅 大型 遊樂場就好啦 ！ 小小豬不停跑跑跑又走走走 ，玩得不知幾開心 ，仲越 玩 越起勁 ，玩到脫衫添 (佢真係全情投入去玩呀 …哈哈哈) ~

依個傻豬仔就咁一玩 ，佢就係依個公園玩左個幾鐘 ，真係估佢唔到咁有精力 。不過放假就應該係享受 ，只要佢開心就夠啦 ！ 之後佢仲走去學人玩射箭添 ~

教左兩次之後就識得個技巧 ，都叫做有姿勢又有實際呀 ~

小小豬仲扮大個仔去玩射槍 ，不過就 … …好似冇發中哦 ~

由於我地預約左兩點去玩哥爾夫球 ，雖然小小豬都未玩夠 ，但都係時候要去離開食個午餐休息一下 ，準備之後嘅活動 。 為左爭取時間 ，所以都唔周圍搵食 ，所以就去左係生 態體育園玩同哥 爾夫球場中間嘅餐廳 Patio Cafe食啦 ~

餐廳以西式為主 ，環境都唔錯 ， 感覺都好舒適，真係啱晒玩左大半天嘅我要休息一下呀 ~

唔知食乜好 ，所以就點左餐牌上嘅熱點食物啦 ~

食物質素都真係唔錯 ，我家兩位老細都大讚好食 ，仲食得不知幾滋味添 ~

食飽飽我又休息夠，就可以去玩哥爾夫球啦 ~

其實我地三口子都真係唔識玩，不過第一次正式練習場玩個feel又幾正哦 ~

我地嘅套票係包 100粒哥爾夫球 ，初時都以為會有排玩 ， 原來 100粒嘅時間係好易過 。 教左小小豬正確 揮桿之後 ，估唔到佢都叫做掌握到 ，越玩越投入仲玩得有板有眼 ，都叫做打到個球落草地 ，只係唔多遠 但都收貨啦 ~

打到幾球就扮晒勁 ，真係好一名自戀狂呀 ~

玩完一輪我地就返酒店執拾行李然後準備返香港了，其實都真係有點未夠喉 ，不過冇法啦 ，有個愛豬號爸爸為免夜返屋企影響小小豬翌日返學精神 ，所以就早點走啦 ！ 正當我地等 穿梭巴士回皇崗時 ，見仲有少少時間就俾小小豬去酒店內嘅小遊戲室玩一陣啦 ~

雖然都有唔同嘅遊戲 ，不過小小豬都係鐘情於玩遊戲機 ，緊係啦 … 平時冇得玩 ，仲唔借機玩電子遊戲 ~

兩日一夜話咁快就玩完，整體上感覺都幾滿意，只係覺得有少少未夠喉 ，如果可以玩耐啲 ，可以去行下街街食下小食 ，咁就會仲圓滿 。唔緊要 ，其實嚟玩都幾方便 ，而且又唔算貴 ， 所以都考慮嚟緊再嚟渡一個小假期充充電呀！

【觀瀾湖親子之旅】兩日一夜玩什麼 PART 1 – 保齡彈床波波池