放假帶小朋友去增廣見聞，除咗出國，其實香港仲帶好多地好地方可以帶小朋友去。田媽就喺weekend帶咗Justin去坐昂坪360纜車、去昂坪市集玩、仲參加咗「360大嶼山文化探索深度遊」！
早上喺東涌的昂坪360車站出發
咁難得坐纜車，就緊係要坐水晶車廂啦，咁就可以360睇風景
第一次從這個角度欣賞飛機升降
仲見到港珠澳大橋，傳說中的人工島
昂坪纜車係亞洲最長的雙纜索纜車系統，用咗2年多的時間起好。大家坐纜車時除了可以欣賞沿途風景，仲可以留意下這項偉大建設
原來上到昂坪市集，係有好多活動可以一家大細參加，啱晒而家夏天去，咁正午時分可以睇下show，整下手作仔，就唔怕曬親
一到達，我們先到室內欣賞「360舞臺」
有功夫同特技表演，當中都有刺激爆破場面
然後就去睇「Tricking極限武術」表演，糅合武術、體操、舞蹈及空中翻騰的高難度動作
舞蹈員烈日當空下都可以做出好多高難度動作，十分專業
跟住就再到室內玩VR體驗
田爸打緊怪獸
由於VR遊戲只係大人先玩得，小朋友就可以許願擇寶碟，Justin的願望當然係身體健康啦
仲可以幫自己變身，田媽變阿豬媽
玩咗咁耐，係時候醫下個肚仔，昂坪市集有各類餐廳，我們就去食中菜
食飽就去玩DIY裝飾工作坊，Justin最近好鍾意整勞作，岩晒！
係味好靚呢？因為呢個係老師的sample
田媽最喜歡看到Justin認真的樣子
Justin設計的裝飾紀念品，大功告成
完成工作坊，再到昂坪墟市逛逛，裡面都係手作仔或自家製食品
然後就到今日的重頭戲 - 向大澳出發！我們就參加導賞團，坐旅遊巴去大澳，車程只需15-20分鐘，田爸田媽上次黎大澳已經係中學既事
一到達就先坐船出海，原本係安排欣賞中華白海豚，可惜太大浪要折返，但係就可以在船上欣賞到龍舟競賽，好刺激！
沿途可以欣賞各有特式的棚屋
導遊姐姐亦帶我地到其中一間棚屋參觀
我同田爸最關心的問題 - 原來棚屋都好現代化，唔係直接痾落海
呢個仲係美食團，可以食到大澳地道小食
相信係全港最好食的沙翁，大滿足！
好大隻墨魚呀！
大家又估下佢係乜？
玩完食完就坐旅遊巴返到昂坪，再轉乘纜車到東涌，結束我們今日豐富的行程
夕陽無限好～～
如果你有興趣參加導賞團，可到以下連結了解更多：
（註：行程和田媽分享的會有不同）
至於昂坪市集的各樣娛樂，可參考以下網頁：
https://www.np360.com.hk/tc/explore-np360/ngong-ping-village
==================================
田媽玩樂誌
Facebook: https://m.facebook.com/justinmamablog/
Instagram: https://www.instagram.com/justinmamablog
